مەملەكەت باسشىسى قازاقستان حالقىن ۇلتتىق دومبىرا كۇنىمەن قۇتتىقتادى

استانا. KAZINFORM - پرەزيدەنت قاسىم-جومارت توقايەۆ ۇلتتىق دومبىرا كۇنىنە وراي X پاراقشاسىندا قۇتتىقتاۋ جاريالادى.

- ۇلتتىق دومبىرا كۇنى قۇتتى بولسىن! بۇل مەرەكەنىڭ قازاق رۋحانياتى ءۇشىن ءمان-ماڭىزى زور. قاستەرلى اسپاپ دالا وركەنيەتىنىڭ اجىراماس بولىگىنە اينالدى. ءتول مادەنيەتىمىزدىڭ قۇندى قازىناسىن ساقتاۋ - بارشامىزدىڭ پارىزىمىز. دومبىرا توردەن تۇسپەسىن! - دەپ جازدى مەملەكەت باسشىسى.

جىل سايىن 7-شىلدەدە قازاقستاندىقتار ۇلتتىق دومبىرا كۇنىن تويلايدى.

ۇلتتىق دومبىرا كۇنى 2018 -جىلى پرەزيدەنت جارلىعىمەن بەكىتىلگەن. مەرەكە ۇلتتىق مادەنيەت پەن بىرەگەيلىكتى ساقتاۋ جانە جاڭعىرتۋ ماقساتىندا بەكىتىلدى.