مەملەكەت باسشىسى قازاقستان حالقىن پاسحا مەرەكەسىمەن قۇتتىقتادى

Президент
Фото: Ақорда

 استانا. KAZINFORM - پرەزيدەنت قاسىم-جومارت توقايەۆ قازاقستان حالقىن پاسحا مەرەكەسىمەن قۇتتىقتادى.

قۇرمەتتى ەلىمىزدىڭ پراۆوسلاۆ قاۋىمى!

بارشاڭىزدى پاسحا مەرەكەسىمەن قۇتتىقتايمىن. بۇل مەيرام - مەيىرىمدىلىك پەن ىزگىلىكتىڭ كورىنىسى. مەرەكە كەزىندە ءدىندار قاۋىم زور قۋانىشقا كەنەلەدى، بولاشاعى جارقىن بولارىنا سەنىمى ارتادى.

جالپى ۇلتتىق مادەني كودىمىزبەن بەرىك ساباقتاسىپ جاتقان پاسحا داستۇرلەرى جۇرتتى جاسامپازدىققا جەتەلەيدى. سونداي- اق مۇقتاج ادامدارعا كومەكتەسۋگە، جاقىن جاندارعا جاناشىرلىق تانىتۋعا شاقىرادى.

پراۆوسلاۆ قاۋىمى قوعامدا ءوزارا تۇسىنىستىك پەن كەلىسىمدى ساقتاۋعا، بىرلىك جانە تىلەۋلەستىك سياقتى باستى قۇندىلىقتاردى ورنىقتىرۋعا زور ۇلەس قوسىپ كەلەدى.

ءبىز حالقىمىزدىڭ قايسارلىعى مەن ىنتىماعىنىڭ ارقاسىندا بارلىق قيىندىقتى ەڭسەرەمىز. ادىلەتتى قازاقستاندى قۇرۋ ءۇشىن بيىك بەلەستەردى باعىندىرا بەرەمىز. بارشاڭىزعا زور دەنساۋلىق، ب ا ق- بەرەكە جانە تولاعاي تابىس تىلەيمىن!

سوڭعى جاڭالىقتار