مەملەكەت باسشىسى قازاقستان حالقى اسسامبلەياسى ءتوراعاسى ورىنباسارلارىن قابىلدادى

ҚХА орынбасарлары
Фото: Ақорда

استانا. KAZINFORM - قاسىم- جومارت توقايەۆ قازاقستان حالقى اسسامبلەياسى ءتوراعاسىنىڭ جاڭادان تاعايىندالعان ورىنباسارلارى يۋري شين مەن لۋگمار بۋلاروۆتى قۇتتىقتاپ، ولاردىڭ بىرلىكتى نىعايتۋ، قوعامدىق كەلىسىمدى ساقتاۋ ىسىندەگى جاۋاپتى قىزمەتىنە ساتتىلىك تىلەدى، دەپ حابارلايدى اقوردانىڭ باسپا ءسوز قىزمەتى.

ق ح ا ءتوراعاسىنىڭ ورىنباسارى - حاتشىلىق مەڭگەرۋشىسى مارات ءازىلحانوۆ قاسىم- جومارت توقايەۆقا بۇعان دەيىن بەرىلگەن تاپسىرمالاردىڭ ورىندالۋى جانە اسسامبلەيانىڭ سەسسياسىنا دايىندىق بارىسى جونىندە ەسەپ بەردى.

پرەزيدەنت ەلىمىزدىڭ ءبىرقاتار وڭىرىندە سۋ تاسقىنى سالدارىنان قالىپتاسقان كۇردەلى جاعدايدى ەسكەرە وتىرىپ، ق ح ا سەسسياسىن ونلاين- فورماتتا وتكىزۋ تۋرالى شەشىم قابىلداعانىن جەتكىزدى. شاراعا اسسامبلەيانىڭ ايماقتارداعى مۇشەلەرى ونلاين رەجيمدە قاتىسادى.

مەملەكەت باسشىسى تابيعي اپاتتان زارداپ شەككەن ازاماتتارعا كومەك كورسەتۋگە قازاقستان حالقى اسسامبلەياسى زور ۇلەس قوسقانىن ايتتى.

قاسىم-جومارت توقايەۆ اسسامبلەيا جۇمىسىن ودان ءارى جەتىلدىرۋ جونىندە ءبىرقاتار ناقتى تاپسىرما بەردى.

سوڭعى جاڭالىقتار