مەملەكەت باسشىسى قاراعاندى وبلىسىندا كەنشىلەردىڭ قازا تابۋىنا بايلانىستى كوڭىل ايتتى

قازاقستان پرەزيدەنتى قاسىم-جومارت توقايەۆ قاراعاندى وبلىسىنداعى كوستەنكو اتىنداعى شاحتاداعى ءورت سالدارىنان قازا تاپقان كەنشىلەردىڭ تۋعان-تۋىستارى مەن جاقىندارىنا كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىن تىلەدى، دەپ حابارايدى اقوردانىڭ باسپا ءسوز قىزمەتى.

مەملەكەت باسشىسى ۇكىمەتكە كەنشىلەردىڭ وتباسىلارىنا بارلىق قاجەتتى كومەك كورسەتۋدى تاپسىردى. وقيعانىڭ ءمان-جايىن انىقتاۋ ءۇشىن ۇكىمەتتىك كوميسسيا قۇرىلدى.

ۇكىمەتكە «ارسەلورميتتالتەمىرتاۋ» كومپانياسىمەن ينۆەستيتسيالىق ىنتىماقتاستىقتى توقتاتۋ تاپسىرىلدى.