مەملەكەت باسشىسى ق ر جوعارى سوت كەڭەسىنىڭ ءتوراعاسى لاۋازىمىنان بوساتتى

استانا. KAZINFORM - مەملەكەت باسشىسىنىڭ جارلىعىمەن دەنيس الەكسەيەۆيچ شيپپ قازاقستان رەسپۋبليكاسى جوعارى سوت كەڭەسىنىڭ ءتوراعاسى لاۋازىمىنان بوساتىلدى. بۇل تۋرالى اقوردانىڭ باسپا ءسوز قىزمەتى ءمالىم ەتتى.

دەنيس شيپپ 1968-جىلدىڭ 27-اقپانىندا دۇنيەگە كەلگەن.

1996-جىلى ومسك مەملەكەتتىك ۋنيۆەرسيتەتىن «قۇقىق تانۋ» ماماندىعى بويىنشا ءبىتىردى.

مانسابى:

1994-جىلدان باستاپ سولتۇستىك قازاقستان وبلىسىنىڭ كەدەن باسقارماسىندا جانە قارجى پوليتسياسى دەپارتامەنتىندە جۇمىس ىستەدى.

سودان كەيىن 2003-جىلدان باستاپ پەتروپاۆل قالالىق سوتىنىڭ سۋدياسى، الماتى قالاسىنىڭ مامانداندىرىلعان قارجىلىق سوتىنىڭ ءتوراعاسى قىزمەتتەرىن اتقاردى.

2012-جىلدان باستاپ قوستاناي وبلىستىق سوتىنىڭ ازاماتتىق جانە اكىمشىلىك ىستەر جونىندەگى اپەللياتسيالىق سوت القاسىنىڭ ءتوراعاسى بولدى.

2015-جىلدىڭ جەلتوقسان ايىنان باستاپ قازاقستان رەسپۋبليكاسى جوعارعى سوتىنىڭ سۋدياسى.

2021-جىلدىڭ ماۋسىمىنان باستاپ جوعارى سوت كەڭەسىنىڭ ءتوراعاسى.

«قۇرمەت» وردەنىمەن، III دارەجەلى «ءمىنسىز قىزمەتى ءۇشىن»، II دارەجەلى «ءمىنسىز قىزمەتى ءۇشىن» مەدالدارمەن جانە «ءۇش ءبي» قۇرمەت بەلگىسىمەن، سونداي-اق ۆەدومستۆولىق ناگرادالارمەن جانە مەرەيتويلىق مەدالدارمەن ماراپاتتالعان.