مەملەكەت باسشىسى ق ح ر- دىڭ قازاقستانداعى جاڭادان تاعايىندالعان ەلشىسىن قابىلدادى
استانا. KAZINFORM - پرەزيدەنت ق ح ر- دىڭ قازاقستانداعى جاڭادان تاعايىندالعان ەلشىسى حان چۋنليندى قابىلدادى. بۇل تۋرالى اقوردانىڭ باسپا ءسوز قىزمەتى حابارلادى.

مەملەكەت باسشىسىنىڭ ايتۋىنشا، قازاقستان قىتاي حالىق رەسپۋبليكاسىمەن جان- جاقتى ستراتەگيالىق ىنتىماقتاستىقتى ودان ءارى تەرەڭدەتۋگە ايرىقشا ءمان بەرەدى.
قاسىم-جومارت توقايەۆ حان چۋنليننىڭ ديپلوماتيالىق ميسسياسى ەكىجاقتى قارىم - قاتىناستار قارقىندى دامىعان كەزەڭگە تۇسپا - تۇس كەلگەنىن اتاپ ءوتىپ، قازاقستان تاراپىنىڭ قىتايمەن ءوزارا ىقپالداستىقتىڭ بارلىق باعىتىنا تىڭ سەرپىن بەرۋگە دايىن ەكەنىنە توقتالدى.
حان چۋنلين ق ح ر ءتوراعاسى شي جينپيڭنىڭ سالەمى مەن ىقىلاسىن جەتكىزىپ، ەكى ەل اراسىنداعى ماڭگى ستراتەگيالىق سەرىكتەستىك جوعارى دەڭگەيدەگى بەلسەندى ساياسي ديالوگتىڭ ارقاسىندا بۇرىن- سوڭدى بولماعان دارەجەگە كوتەرىلگەنىنە نازار اۋداردى. سونداي- اق ەلشى قىتاي مەن قازاقستاننىڭ سان قىرلى بايلانىسىن ودان ءارى نىعايتۋعا جانە ءوزارا ىنتىماقتاستىقتىڭ جوعارى ديناميكاسىن ساقتاۋعا بار كۇش- جىگەرىن جۇمسايتىنىنا سەندىردى.
كەزدەسۋ بارىسىندا ەكىجاقتى كۇن ءتارتىبىنىڭ نەگىزگى ماسەلەلەرى، سونىڭ ىشىندە ساۋدا- ەكونوميكالىق، ينۆەستيتسيالىق جانە مادەني- گۋمانيتارلىق سالالارداعى ىقپالداستىقتى دامىتۋ پەرسپەكتيۆالارى تالقىلاندى.