مەملەكەت باسشىسى نيگەريا پرەزيدەنتى بولا احمەت تينۋبۋمەن كەزدەستى

استانا. KAZINFORM - «ابۋ ءدابيدىڭ ورنىقتى دامۋ اپتالىعى» حالىقارالىق سامميتى الاڭىندا قازاقستان پرەزيدەنتى قاسىم-جومارت توقايەۆ نيگەريا فەدەراتيۆتى رەسپۋبليكاسىنىڭ باسشىسى بولا احمەت تينۋبۋمەن كەزدەستى. بۇل تۋرالى اقوردانىڭ باسپا ءسوز قىزمەتى حابارلادى.

Касым-Жомарт Токаев пригласил президента Нигерии посетить Казахстан с официальным визитом
Фото: Акорда

مەملەكەت باسشىسى ەلىمىز افريكا قۇرلىعىنداعى حالىق تىعىز قونىستانعان جانە ءىرى ەكونوميكاسى بار نيگەريامەن سان قىرلى ىنتىماقتاستىقتى نىعايتۋعا باسا ءمان بەرەتىنىن جەتكىزدى.

بولا احمەت تينۋبۋ ەكىجاقتى قارىم-قاتىناستى جاڭا ءارى ساپالى دەڭگەيگە كوتەرۋ ءۇشىن بىرلەسە كۇش جۇمساۋعا دايىن ەكەنىن راستادى.

وسى رەتتە قاسىم-جومارت توقايەۆ نيگەريا پرەزيدەنتىن قازاقستانعا رەسمي ساپارمەن كەلۋگە شاقىردى.

تاراپتار ساۋدا-ەكونوميكا، كولىك-لوگيستيكا، ەنەرگەتيكا جانە اۋىل شارۋاشىلىعى سالالارىنداعى ىقپالداستىقتى دامىتۋ پەرسپەكتيۆاسىن تالقىلادى.

مەملەكەت باسشىلارى حالىقارالىق كۇن تارتىبىندەگى وزەكتى ماسەلەلەر جونىندە پىكىر الماسىپ، كوپجاقتى قۇرىلىمدار اياسىنداعى بايلانىستى جانداندىرۋ ماڭىزدى ەكەنىن اتاپ ءوتتى.

ەسكە سالا كەتەيىك، بۇعان دەيىن پرەزيدەنت «ابۋ ءدابيدىڭ ورنىقتى دامۋ اپتالىعى» سامميتىندە ءبىرىنشى بولىپ ءسوز سويلەگەنىن جازعان ەدىك.

 

سوڭعى جاڭالىقتار