مەملەكەت باسشىسى مەتاللۋرگتەردى ماراپاتتاۋ تۋرالى جارلىققا قول قويدى

استانا. KAZINFORM - پرەزيدەنت قاسىم-جومارت توقايەۆ مەتاللۋرگتەردى ماراپاتتاۋ تۋرالى جارلىققا قول قويدى. بۇل تۋرالى اقوردانىڭ باسپا ءسوز قىزمەتى ءمالىم ەتتى.

«قازاقستان رەسپۋبليكاسى پرەزيدەنتىنىڭ جارلىعىمەن مەتاللۋرگ كۇنى قارساڭىندا وتاندىق مەتاللۋرگيا سالاسىنداعى جەمىستى ەڭبەگى، ەلىمىزدىڭ ونەركاسىپتىك جانە ينفراقۇرىلىمدىق دامۋىنا قوسقان ۇلەسى ءۇشىن جۇزدەگەن جۇمىسشى مەملەكەتتىك ناگرادالارمەن ماراپاتتالدى. اتاپ ايتقاندا، 22 جۇمىسشى «قۇرمەت» وردەنىنىڭ كاۆالەرى اتاندى، 41 ونەركاسىپ قىزمەتكەرى Ⅲ دارەجەلى «ەڭبەك داڭقى» وردەنىنىڭ، 51 ادام «ەرەن ەڭبەگى ءۇشىن» مەدالىنىڭ يەگەرى بولدى»، - دەلىنگەن حابارلامادا.

سونىمەن قاتار 7 مامان قازاقستان رەسپۋبليكاسى پرەزيدەنتىنىڭ قۇرمەت گراموتاسىن يەلەندى.