مەملەكەت باسشىسى Meta كومپانياسىنىڭ ۆيتسە-پرەزيدەنتىن قابىلدادى
نيۋ- يورك. KAZINFORM - قاسىم-جومارت توقايەۆ پەن Meta كومپانياسىنىڭ ۆيتسە-پرەزيدەنتى، جاساندى ينتەللەكتىنى زەرتتەۋ ءبولىمىنىڭ (FAIR) باس عىلىمي جەتەكشىسى يانن لەكۋن يننوۆاتسيالىق تەحنولوگيالاردى دامىتۋ جانە قولدانۋ جونىندە پىكىر الماستى. بۇل تۋرالى اقوردانىڭ باسپا ءسوز قىزمەتى حابارلادى.
مەملەكەت باسشىسى نەيروجەلىلەر سالاسىنداعى يانن لەكۋننىڭ جاڭاشىل جەتىستىكتەرىن جوعارى باعالاپ، ونىڭ جاساندى ينتەللەكتىنى دامىتۋعا قوسقان ۇلەسىن اتاپ ءوتتى.
پرەزيدەنت قازاقستاننىڭ جاپپاي سيفرلاندىرۋدى جانە جاساندى ينتەللەكتىنى دامۋدىڭ باستى فاكتورى رەتىندە كەڭىنەن قولدانۋدى قاراستىرىپ، دەربەس ج ي ەكوجۇيەسى مەن قازاق ءتىلىنىڭ ۇلكەن تىلدىك مودەلىن (KazLLM) جاساقتاۋعا كۇش سالىپ جاتقانىن جەتكىزدى.
قاسىم-جومارت توقايەۆ Meta Platforms Inc كومپانياسىمەن قازاقستاندا ج ي تەحنولوگيالارىن دامىتۋ بويىنشا بىرلەسكەن اكسەلەراتسيالىق باعدارلامانى ىسكە قوسۋ جونىندەگى كەلىسىمگە قول قويىلۋىن قۇپتاپ، تەحنولوگيا الىبىمەن ءوزارا ءتيىمدى سەرىكتەستىكتى ودان ءارى نىعايتۋعا دايىن ەكەنىن راستادى.
ايتا كەتەلىك قاسىم-جومارت توقايەۆ Chevron كورپوراتسياسىنىڭ باسشىسىمەن كەزدەسكەن ەدى.
