مەملەكەت باسشىسى ماتەناداران كونە قولجازبالار ينستيتۋتىنا باردى
ەريەۆان. KAZINFORM - پرەزيدەنت قاسىم-جومارت توقايەۆ ارمەنياعا رەسمي ساپارى اياسىندا ۇلتتىق جينالىس ءتوراعاسى الەن سيمونيانمەن بىرگە مەسروپ ماشتوتس اتىنداعى ماتەناداران كونە قولجازبالار عىلىمي-زەرتتەۋ ينستيتۋتىنا باردى.
بۇل تۋرالى اقوردانىڭ باسپا ءسوز قىزمەتى ءمالىم ەتتى.
مەملەكەت باسشىسى الەمدەگى ەڭ ءىرى قولجازبالار قورىنىڭ ءبىرى سانالاتىن مەكەمەنىڭ جۇمىسىمەن تانىسىپ، كونە ماتىندەردى قارادى.
سونىمەن قاتار قاسىم-جومارت توقايەۆقا عىلىمي-زەرتتەۋ ينستيتۋتىندا ساقتاۋلى تۇرعان قىپشاق قولجازبالارى كورسەتىلدى. سوڭعى جىلدارى ارميان عالىمدارىنىڭ كومەگىمەن ماتەناداران قورىنان ورتالىق ازيا جانە قازاقستان تاريحىنا قاتىستى 40 كونە ەڭبەكتىڭ كوشىرمەلەرى الىندى. بيىل ينستيتۋت قىپشاق تىلىندەگى قولجازبالار جيناعىن شىعارۋدى جوسپارلاپ وتىر.
ماتەناداران يۋنەسكونىڭ دۇنيەجۇزىلىك مۇرالار تىزىمىنە ەنگىزىلگەن ءارى ارميان حالقىنىڭ ۇلتتىق ەسكەرتكىشتەرى ساقتالعان ماڭىزدى مەكەمەلەردىڭ ءبىرى سانالادى. ينستيتۋت - ارمەنيا ماقتانىشتارىنىڭ ءبىرى.
