مەملەكەت باسشىسى كارىم ماسىموۆكە راقىمشىلىق جاساۋدان باس تارتتى

استانا. KAZINFORM - پرەزيدەنت قاسىم-جومارت توقايەۆ ق ر ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ماسىموۆكە راقىمشىلىق جاساۋدان باس تارتتى. بۇل تۋرالى Kazinform تىلشىسىنە ق ر پرەزيدەنتى جانىنداعى راقىمشىلىق ماسەلەلەرى جونىندەگى كوميسسيانىڭ ءتوراعاسى، ءماجىلىس دەپۋتاتى مارات ءباشىموۆ ايتىپ بەردى.

دەپۋتات كونستيتۋتسياعا سايكەس قازاقستاندا راقىمشىلىق جاساۋ قۇقىعى پرەزيدەنتكە تيەسىلى ەكەنىن ەسكە سالدى.

«ق ر پرەزيدەنتى جانىنداعى راقىمشىلىق جاساۋ جونىندەگى كوميسسيا مەملەكەت باسشىسى قاسىم-جومارت توقايەۆقا كارىم ماسىموۆكە راقىمشىلىق بەرۋدەن باس تارتۋدى ۇسىندى، مۇنىمەن قازاقستان پرەزيدەنتى كەلىستى»، - دەدى مارات باشيموۆ.

ەسكە سالا كەتەيىك، 2022 -جىلدىڭ قاڭتارىندا ك. ماسىموۆكە قاتىستى ساتقىندىق فاكتىسى بويىنشا سوتقا دەيىنگى تەرگەۋ باستالدى.

ول 6-قاڭتاردا ق ر ۇلتتىق قاۋىپسىزدىك كوميتەتىنىڭ ءتوراعاسى قىزمەتىنەن بوساتىلىپ، 8-قاڭتاردا قاماۋعا الىنىپ، تەرگەۋ يزولياتورىنا ورنالاستىرىلدى.

2022 -جىلى تامىز ايىنىڭ سوڭىندا ءىس سوتقا بەرىلدى. ال 2023 -جىلدىڭ ساۋىرىندە ۇ ق ك بۇرىنعى باسشىسىنىڭ بۇرىنعى ورىنباسارلارى ساتقىندىق، بيلىكتى كۇشپەن باسىپ الۋ ارەكەتى، بيلىك پەن لاۋازىمدىق وكىلەتتىگىن اسىرا پايدالانعانى ءۇشىن كىنالى دەپ تانىلدى.

ءماسىموۆتىڭ ءىسى «اسا قۇپيا» بەلگىسىمەن ءوتتى.

كارىم ءماسىموۆ 18 جىلعا باس بوستاندىعىنان ايىرىلىپ، مۇلكى تاركىلەنىپ، ءومىر بويى مەملەكەتتىك قىزمەتتە جۇمىس ىستەۋ قۇقىعىنان ايىرىلدى.

بۇل ۇكىمگە شاعىم ءتۇسىرىلدى. 2023 -جىلدىڭ ماۋسىمىندا ەلوردالىق سوت ۇكىمنىڭ تۇتقىندى ۇستاۋ بولىگىن عانا جەڭىلدەتتى.

2023 -جىلى قاراشا ايىندا ۇلتتىق قاۋىپسىزدىك كوميتەتى Kazinform اگەنتتىگىنە ك. ماسىموۆكە قاتىستى ق ر ق ك 218 جانە 366-باپتارىندا كوزدەلگەن قىلمىس بەلگىلەرى بويىنشا سوتقا دەيىنگى تەرگەۋ جالعاسىپ جاتقانىن حابارلادى.

ال ك. ءماسىموۆ قىلمىستىق ءىس شەڭبەرىندە ءبىرقاتار تەرگەۋ جۇرگىزۋ ءۇشىن استانا قالاسى ۇ ق ك تەرگەۋ يزولياتورىنا قالدىرىلدى.

اۆتور
ايجان سەرىكجان قىزى