11:42, 14 - قاڭتار 2025 | GMT +5
مەملەكەت باسشىسى حورۆاتيا پرەزيدەنتى بولىپ قايتا سايلانعان زوران ميلانوۆيچتى قۇتتىقتادى
استانا. KAZINFORM - قاسىم-جومارت توقايەۆ پرەزيدەنت سايلاۋىندا جەڭىسكە جەتكەن زوران ميلانوۆيچكە قۇتتىقتاۋ جەدەلحاتىن جولدادى.

قازاقستان پرەزيدەنتى جەدەلحاتتا زوران ميلانوۆيچتىڭ جەڭىسىن حورۆاتيانىڭ بولاشاعىن جارقىن ەتۋگە باعىتتالعان ساياساتىنا كورسەتىلگەن سەنىمنىڭ ايقىن دالەلى دەپ باعالادى.
مەملەكەت باسشىسى استانا مەن زاگرەب اراسىنداعى دوستىق پەن ءوزارا تۇسىنىستىككە نەگىزدەلگەن ەكىجاقتى قارىم-قاتىناستار قوس حالىقتىڭ يگىلىگى ءۇشىن ودان ءارى نىعاياتىنىنا ءۇمىت ارتاتىنىن جەتكىزدى.
ايتا كەتەيىك، بۇعان دەيىن حورۆاتياداعى پرەزيدەنت سايلاۋىندا زوران ميلانوۆيچ جەڭىسكە جەتكەنىن جازعانبىز.