مەملەكەت باسشىسى فرانسيا ەلشىسى سيلۆان گيوگەنى قابىلدادى
استانا. KAZINFORM - پرەزيدەنت قاسىم-جومارت توقايەۆ فرانسيا ەلشىسىن جاڭا قىزمەتىمەن قۇتتىقتاپ، ونىڭ ديپلوماتيالىق ميسسياسى ەكىجاقتى قاتىناستاردىڭ وتە بەلسەندى دامۋ كەزەڭىمەن تۇسپا-تۇس كەلىپ وتىرعانىن اتاپ ءوتتى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى قازاقستاننىڭ فرانسيامەن اراداعى ىنتىماقتاستىقتى جان-جاقتى تەرەڭدەتۋگە نيەتتى ەكەنىن جەتكىزىپ، ەلشى سيلۆان گيوگەنىڭ جاۋاپتى قىزمەتىنە تابىس تىلەدى.
كەزدەسۋدە قازاقستان پرەزيدەنتى قاسىم-جومارت توقايەۆتىڭ الداعى ۋاقىتتا فرانسيا رەسپۋبليكاسىنا جاسايتىن مەملەكەتتىك ساپارىنىڭ جاي-جاپسارى تالقىلاندى.
پرەزيدەنت اتالعان ساپار استانا مەن پاريج اراسىنداعى بايلانىستاردىڭ كەلەشەگىن ايقىنداپ، قازاق-فرانسۋز ستراتەگيالىق سەرىكتەستىگىنىڭ نىعايۋىنا تىڭ سەرپىن بەرەتىنىنە سەنىم ءبىلدىردى.
وسىعان دەيىن مەملەكەت باسشىسى قاسىم-جومارت توقايەۆتىڭ پرەزيدەنت ەممانيۋەل ماكروننىڭ شاقىرۋىمەن 4-5-قاراشا كۇندەرى فرانسيا رەسپۋبليكاسىنا مەملەكەتتىك ساپارمەن باراتىنىن جازدىق.
