مەملەكەت باسشىسى شىمكەنت اكىمىنە: قورقۋدىڭ قاجەتى جوق
استانا. KAZINFORM - پرەزيدەنت قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا شىمكەنت قالاسىنداعى زاڭسىز سالىنىپ كەتكەن قۇرىلىستاردى ءسۇرۋ جۇمىستارىنا بايلانىستى پىكىر ءبىلدىردى.

- شىمكەنتتە جەر تەلىمدەرىنە قاتىستى وتكىر ماسەلە شەشىلمەي تۇر. زاڭ الدىندا ءبارى بىردەي. سوندىقتان بىلتىردان باستاپ زاڭسىز سالىنعان نىساندار سۇرىلە باستادى. مەملەكەتتىك ورگانداردىڭ مۇنداي ارەكەتى سىنعا ۇشىراپ جاتىر. ءبىراق بۇدان قورقۋدىڭ قاجەتى جوق. سەبەبى اكىمدىك زاڭعا سايكەس جۇمىس ىستەپ جاتىر. الايدا حالىقپەن پىكىر الماسۋدى جالعاستىرۋ قاجەت. ياعني، ءتۇسىندىرۋ جۇمىسىن توقتاتپاۋ كەرەك، - دەدى مەملەكەت باسشىسى.
پرەزيدەنت ەلدە ءوزىن قوعام بەلسەندىسى سانايتىن توپتار پايدا بولعانىن ەسكە سالدى.
- ولار كوپ جاعدايدا الەۋمەتتىك جەلىنى پايدالانىپ، بيلىكتىڭ تۇپكى ءمانى دۇرىس، ءبىراق بارىنە بىردەي ۇناي بەرمەيتىن شەشىمدەرى تۋرالى ورىنسىز داۋ كوتەرىپ، ەلدى دۇرلىكتىرەدى. سوندىقتان بارلىق شەشىمدى حالىققا جاقسىلاپ، مۇقيات ءتۇسىندىرۋ ماڭىزدى. بۇل ماسەلە بۇكىل ايماققا قاتىستى. كەز كەلگەن جۇمىس بارىنشا اشىق ءارى تۇسىنىكتى بولعان ءجون، - دەدى قاسىم-جومارت توقايەۆ.
سونىمەن قاتار، پرەزيدەنت استاناداعى كولىك كەپتەلىسى ماسەلەسى وتە وزەكتى بولىپ تۇرعانىن جانە «سامۇرىق-قازىنانىڭ» قىزمەتى ارنايى تالقىلاناتىنىن اتاپ وتكەن بولاتىن.
ايتا كەتەيىك ەلوردادا پرەزيدەنت قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر.