مەملەكەت باسشىسى ءوڭىر اكىمدەرىنە ءوزىن ءسان-سالتاناتپەن كۇتىپ الۋعا تىيىم سالدى

مەملەكەت باسشىسى قاسىم-جومارت توقايەۆ  سۇحباتىندا وڭىرلەرگە ءىسساپارىندا ءوزىن ءسان-سالتاناتپەن كۇتىپ الۋعا، توي-دۋمان مەن استا-توك داستارحان جايۋعا تىيىم سالعانىن ايتتى، دەپ حابارلايدى Kazinform.

سۇحبات الۋشى ديحان قامزابەك ۇلى پرەزيدەنتتىڭ ءوڭىر باسشىلارىنا ۇشاقتان گۇلمەن قارسى الۋعا، استا-توك داستارقان جايۋعا، دۋمانداتىپ كونسەرت، شوۋ وتكىزۋگە تىيىم سالعانى جونىندە سۇرادى.

«پرەزيدەنت رەتىندە العاش رەت ەل ارالاۋعا شىققانىمدا، اكىمدەر سالتاناتتى شارالار ۇيىمداستىرۋعا، كول-كوسىر داستارقان جايۋعا، بيلبوردتار ورناتۋعا تىرىستى. قازىر مۇنىڭ ءبارى تىيىلدى. مەن وبلىستارعا جۇمىس بابىمەن عانا بارامىن. ۋاقىت وتە كەلە جەرگىلىكتى جەرلەردە دە وسىنداي جۇمىس داعدىسى قالىپتاساتىنىنا سەنىمدىمىن. حالىقتى جيناپ، قىرۋار قارجى شىعىنداپ، سالتاناتتى شارالار ۇيىمداستىرۋ ءبىرجولا توقتاتىلادى»، - دەپ جاۋاپ بەردى قاسىم-جومارت توقايەۆ.

اۆتور

ايجان سەرىكجان قىزى