22:59, 03 - شىلدە 2024 | GMT +6
مەملەكەت باسشىسى ءۇندىستان پرەمەر-مينيسترىنە كوڭىل ايتۋ جەدەلحاتىن جولدادى
استانا. KAZINFORM - قاسىم-جومارت توقايەۆ ۋتتار-پرادەش شتاتىنىڭ حاتراس قالاسىندا بولعان قايعىلى وقيعاعا بايلانىستى ءۇندىستان پرەمەر-ءمينيسترى نارەندرا موديگە كوڭىل ايتتى.
- ۋتتار-پرادەش شتاتىندا وتكەن ءدىني جيىن كەزىندە كوپتەگەن ادامنىڭ باستىرىلىپ، قايتىس بولعانى تۋرالى قايعىلى حاباردى تەرەڭ كۇيزەلىسپەن قابىلدادىم. قازاقستان حالقىنىڭ جانە ءوز اتىمنان قازا تاپقان ازاماتتاردىڭ وتباسىلارىنا كوڭىل ايتامىن. سونداي-اق زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن، - دەپ جازىلعان جەدەلحاتتا.
ايتا كەتەيىك، كەشە ءۇندىستاندا ءدىني راسىمدە 100 دەن اسا ادام قازا تاپقانىن حابارلاعان بولاتىنبىز.
