مەملەكەت باسشىسى ءابىلقايىر سقاقوۆتى قابىلدادى

پرەزيدەنت «الەۋمەتتىك مەديتسينالىق ساقتاندىرۋ قورى» ك ە ا ق باسقارما ءتوراعاسى ءابىلقايىر سقاقوۆتى قابىلدادى، دەپ حابارلايدى Kazinform.

ءابىلقايىر سقاقوۆ:

- الەۋمەتتىك مەديتسينالىق ساقتاندىرۋ جۇيەسىنىڭ جىل باسىنان بەرى جانە جالپى م ءا م س قولعا الىنعان ۋاقىت ىشىندە اتقارىلعان جۇمىستاردىڭ قورىتىندىسى تۋرالى ەسەپ بەردى؛

- الەۋمەتتىك مەديتسينالىق ساقتاندىرۋ جۇيەسىن ەنگىزۋ ناتيجەسىندە دەنساۋلىق ساقتاۋ سالاسىنا بولىنەتىن قارجى 2,5 ەسە، ال ءبىر تۇرعىننىڭ دەنساۋلىعىنا جۇمسالاتىن شىعىن ەكى ەسە وسكەنى جونىندە باياندادى؛

- ازاماتتارعا ارنالعان مەديتسينالىق كومەكتىڭ قولجەتىمدىلىگىن جاقسارتۋ جايىندا ايتتى؛

- م ءا م س جۇيەسىنىڭ تيىمدىلىگىن ارتتىرۋعا قاتىستى پرەزيدەنت تاپسىرمالارىنىڭ ورىندالۋ بارىسى تۋرالى اقپارات بەردى.

اتاپ ايتقاندا، الەۋمەتتىك مەديتسينالىق ساقتاندىرۋ جۇيەسىنىڭ اۋقىمىن كەڭەيتۋگە، قوردىڭ قارجىلىق تۇرعىدان تۇراقتىلىعىن قامتاماسىز ەتۋگە جانە م ءا م س - كە قاتىستى بارلىق پروتسەستى جەدەل سيفرلاندىرۋعا باعىتتالعان كەشەندى شارالار جۇزەگە اسىرىلىپ جاتىر.

بۇدان بولەك، مەديتسينالىق ساقتاندىرۋ جۇيەسىنىڭ قىزمەتىنە قاتىستى قازاقستاندىقتاردى مازالاعان وزەكتى ماسەلەلەرگە نازار اۋدارىلدى. قور جوسپارىن ىسكە اسىرۋ بارىسىندا، ەڭ الدىمەن، ناۋقاسقا جانە ونىڭ مەديتسينالىق كومەككە قاجەتتىلىگىن وتەۋگە باسا ءمان بەرىلەدى.

مەملەكەت باسشىسى ءابىلقايىر سقاقوۆقا الەۋمەتتىك مەديتسينالىق ساقتاندىرۋ جۇيەسىنىڭ تيىمدىلىگىن ارتتىرۋعا باعىتتالعان ءبىرقاتار مىندەت جۇكتەدى.