16:59, 23 - ناۋرىز 2024 | GMT +6
مەملەكەت باسشىسى باۋىرلاس رەسەي حالقىنا قايعىرىپ كوڭىل ايتتى
استانا. KAZINFORM - مەملەكەت باسشىسى رەسەي پرەزيدەنتى ۆلاديمير پۋتينمەن تەلەفون ارقىلى سويلەستى.
اڭگىمەلەسۋ بارىسىندا قاسىم-جومارت توقايەۆ ماسكەۋ وبلىسىنداعى لاڭكەستىك ارەكەت سالدارىنان كوپتەگەن ادامنىڭ قازا تابۋىنا بايلانىستى قازاقستاندىقتاردىڭ اتىنان ۆلاديمير پۋتينگە جانە باۋىرلاس رەسەي حالقىنا قايعىرىپ كوڭىل ايتتى.
«مەملەكەت باسشىسى بەيبىت تۇرعىندارعا قاتىستى زورلىق-زومبىلىقتى قاتاڭ ايىپتايتىنىن، تەرروريزمگە قارسى كۇرەستە رەسەيمەن بىرگە ەكەنىن تاعى دا راستادى. ءوز كەزەگىندە ۆلاديمير پۋتين قولداۋ كورسەتكەنى ءۇشىن قاسىم-جومارت توقايەۆقا العىس ايتتى»، - دەلىنگەن حابارلامادا.