مەملەكەت باسشىسى ازەربايجان پرەزيدەنتى يلحام اليەۆكە قۇتتىقتاۋ جەدەلحاتىن جولدادى
قاسىم- جومارت توقايەۆ يلحام الييەۆتى ەلىنىڭ ايتۋلى جەتىستىككە قول جەتكىزۋىمەن، اتاپ ايتقاندا، ازەربايجاننىڭ 2024-جىلى كليماتتىڭ وزگەرۋى جونىندەگى ب ۇ ۇ-نىڭ نەگىزدەمەلىك كونۆەنتسياسىنا قوسىلۋشى تاراپتاردىڭ 29- كونفەرەنسياسى وتەتىن مەملەكەت رەتىندە تاڭدالۋىمەن قۇتتىقتادى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.
«بۇل شەشىم-ءسىزدىڭ ەلىڭىزدىڭ حالىقارالىق ارەناداعى بەدەلى جوعارى ەكەنىنىڭ ايقىن دالەلى. سونداي-اق ازەربايجاننىڭ ءتيىمدى جانە پروگرەسسيۆتى ساياساتى مەن كليماتقا قاتىستى جاھاندىق كۇن تارتىبىندەگى اسقاق مۇراتتارعا بەيىلدىگىن مويىنداعانىن بىلدىرەدى. وسىناۋ اۋقىمدى فورۋمدى كورىكتى باكۋ شاھارىندا وتكىزۋ ورنىقتى دامۋ ماقساتتارىن ىلگەرىلەتۋگە ەلەۋلى ۇلەس قوسىپ، زامانىمىزدىڭ ەڭ وزەكتى مىندەتتەرىنىڭ شەشىمىن تابۋعا سەپتىگىن تيگىزەتىنىنە، سونىمەن قاتار ايماقتىق سيپاتتاعى ەكولوگيالىق ماسەلەلەرگە الەمدىك قوعامداستىقتىڭ نازارىن اۋداراتىنىنا سەنىمدىمىن»،-دەپ جازىلعان جەدەلحاتتا.
مەملەكەت باسشىسى ازەربايجان پرەزيدەنتىنە COP29 كونفەرەنتسياسىن تابىستى ءارى ناتيجەلى وتكىزۋ ءۇشىن قازاقستاننىڭ جان-جاقتى كومەك بەرۋگە دايىن ەكەنىن جەتكىزىپ، شاراعا بەلسەندى قاتىساتىنىن ايتتى.
