مەملەكەت باسشىسى اقتوبەنىڭ سارجانساي اۋىلىنداعى سپورت كەشەنىنە باردى
مەملەكەت باسشىسىنىڭ اقتوبە وبلىسىنا جۇمىس ساپارى مارتوك اۋدانى سارجانساي اۋىلىنداعى سپورت كەشەنىنىڭ جۇمىسىمەن تانىسۋدان باستالدى، دەپ حابارلايدى اقوردانىڭ باسپا ءسوز قىزمەتى.
بۇل نىساننىڭ جالپى اۋماعى 1048 شارشى مەتردى قۇرايدى. مۇندا سپورتتىڭ بىرنەشە ءتۇرى بويىنشا ۇيىرمەلەر جۇمىس ىستەيدى.
قاسىم-جومارت توقايەۆ ەركىن كۇرەس زالى مەن شاعىن فۋتبول الاڭىن ارالاپ كوردى.
پرەزيدەنت سپورت كەشەنىندە جاس سپورتشىلارمەن كەزدەستى. اڭگىمەلەسۋ بارىسىندا قاسىم- جومارت توقايەۆ سپورتپەن شۇعىلدانۋدىڭ ماڭىزدىلىعىنا نازار اۋداردى. سپورت ادامنىڭ كوزقاراسىن تۇزەيدى. اسىرەسە جاستارعا كۇش- جىگەر بەرەدى.
مەملەكەت باسشىسى فۋتبولعا قولداۋ كورسەتىلەتىنىنە توقتالىپ، اتالعان سپورت ءتۇرىنىڭ بولاشاعىنا سەنىممەن قارايتىنىن جەتكىزدى.
ايتا كەتەيىك، بۇعان دەيىن مەملەكەت باسشىسى اقتوبە وبلىسىنا جۇمىس ساپارىمەن بارعانىن جازعان ەدىك.
