18:14, 30 - قاڭتار 2025 | GMT +5
مەملەكەت باسشىسى ا ق ش پرەزيدەنتى دونالد ترامپقا كوڭىل ايتتى
استانا. KAZINFORM - مەملەكەت باسشىسى ا ق ش پرەزيدەنتى دونالد ترامپقا كوڭىل ايتۋ جەدەلحاتىن جولدادى. بۇل تۋرالى اقوردانىڭ باسپا ءسوز قىزمەتى حابارلادى.
قاسىم-جومارت توقايەۆ ۆاشينگتوننىڭ رونالد رەيگان اتىنداعى ۇلتتىق اۋەجايى ماڭىندا بولعان ۇشاق اپاتىنان كوپتەگەن ادامنىڭ قازا تاپقانى تۋرالى سۋىت حاباردى تەرەڭ كۇيزەلىسپەن قابىل العانىن جەتكىزدى.
مەملەكەت باسشىسى ا ق ش پرەزيدەنتى دونالد ترامپقا، قايتىس بولعان جانداردىڭ وتباسىلارىنا جانە قايعىلى وقيعادان زارداپ شەككەن ازاماتتارعا قازاقستان حالقىنىڭ جانە ءوزىنىڭ اتىنان كوڭىل ايتتى.
ۆاشينگتوندا ۇشاق پەن تىكۇشاقتىڭ سوقتىعىسۋىنان كەم دەگەندە 18 ادام قازا تاپقانىن جازعان بولاتىنبىز.
