ەممانۋەل ماكرون فرانسياداعى تۇرمە فۋرگونىنا جاسالعان شابۋىل كوپشىلىكتى كۇيزەلتكەنىن ايتتى

Франция
Фото: bbc.com

 استانا. KAZINFORM - سەيسەنبى كۇنى فرانتسيانىڭ سولتۇستىگىندە تۇتقىن مىنگەن تۇرمە فۋرگونىنا شابۋىل جاسالدى.

شابۋىل جاساعاندار كولىكتەگى فرانتسۋز تۇرمە قىزمەتىنىڭ ەكى قىزمەتكەرىن اتىپ، تاعى ۇشەۋىن اۋىر جاراقاتتاپ، تۇتقىنعا بەلگىسىز باعىتتا قاشىپ كەتۋگە كومەكتەسكەن، دەپ حابارلايدى BBC.

فرانتسۋز بيلىگىنىڭ وكىلدەرى قازىر قاشقىندى ءىزىن سۋىتپاي ىزدەپ جاتقانىن مالىمدەدى: ىزدەۋ جۇمىستارىنا پوليتسيانىڭ جۇزدەگەن قىزمەتكەرى مەن جاندارمدار جۇمىلدىرىلعان.

پروكۋراتۋرا قاشقىننىڭ اتى-ءجونى مەن جاسىن انىقتادى. بۇرىن كىسى توناعانى ءۇشىن سوتتالعان 20 جاستاعى موحامەد امر. ول سونداي- اق ادام ولىمىنە اكەپ سوقتىرعان ادام ۇرلىعى ءۇشىن ايىپتالعان.

Figaro گازەتىنىڭ ناقتىلاۋىنشا، امر قىلمىستىق الەمدە «لا مۋش» (شىبىن) لاقاپ اتىمەن تانىمال جانە ول كىسى ولتىرۋگە وقتالۋدان بولەك باسقا قىلمىستىق باپتار - ەسىرتكى قىلمىستارى ءۇشىن بىرنەشە رەت سوتتالعان.

فرانسۋز باسپا ءسوزىنىڭ شامالاۋىنشا، قاشقىننىڭ ەسىرتكى ساۋۋۋداسىمەن اينالىساتىن توپتارمەن بايلانىسى بار.

فرانسيا پرەزيدەنتى ەممانۋەل ماكرون تاسجولدا بولعان وقيعا «بارلىعىن كۇيزەلىسكە ۇشىراتقانىن» ايتىپ، بۇل قىلمىستى ۇيىمداستىرۋشىلاردى تابۋ ءۇشىن قولدان كەلگەننىڭ بارلىعى جاسالىپ جاتقانىنا سەندىردى.

ەلدەگى BFMTV باسىلىمىنىڭ حابارلاۋىنشا، امر تۇرمەدەن سەيسەنبى كۇنى تاڭەرتەڭ رۋان سوتىندا وتەتىن تىڭداۋعا قاتىسۋ ءۇشىن تاسىمالدانعان.

سوت وتىرىسى اياقتالعان سوڭ تۇتقىن مىنگەن كولىك ەۆرە قالاسىنداعى تۇرمەگە جول تارتقان.

الايدا جەرگىلىكتى ۋاقىت بويىنشا شامامەن ساعات 11.00 دە ا154 اقىلى اۆتوجولىنداعى باقىلاۋ- وتكىزۋ پۋنكتىندە كولىككە شابۋىل جاسالدى.

France Press اگەنتتىگىنىڭ حابارلاۋىنشا، شابۋىلداۋشىلار تۇرمە كولونناسىنا ەكى كولىكپەن جەتىپ، وعان وق جاۋدىرعان.

سوڭعى جاڭالىقتار