مەكتەپتە ورامال تاعۋعا تىيىم سالىندى - سوت شەشىمى

استانا. KAZINFORM - استانا قالاسىنىڭ كامەلەتكە تولماعانداردىڭ ىستەرى جونىندەگى سوتى مەكتەپتە ورامال تاعۋعا قاتىستى ىشكى ءتارتىپ ەرەجەلەرى ءىسىن قارادى.

تالاپ قويۋشى ءمينيستردىڭ 2016 -جىلعى 14-قاڭتارداعى №26-ورتا ءبىلىم بەرۋ ۇيىمدارى ءۇشىن مىندەتتى مەكتەپ فورماسىنا قويىلاتىن تالاپتاردى بەكىتۋ تۋرالى بۇيرىعىندا باسكيىم كيۋگە تىيىم سالىنباعان دەگەن ۋاجبەن سوتقا جۇگىندى. ول شاش پەن مويىندى جاباتىن ورامالدى ءدىني سيپاتتاعى كيىمگە جاتقىزۋمەن كەلىسپەيدى.

سوت تاراپتاردىڭ دالەلدەرىن زەرتتەپ قاراستىردى.

«ءبىلىم تۋرالى» زاڭ مەن مەكتەپتىڭ جارعىسى مەكتەپ فورماسى بارلىق وقۋشىلار ءۇشىن ءدىني نەمەسە باسقا دا ەرەكشە بەلگىلەرسىز ءبىرتۇتاس بولۋى كەرەك دەپ ۇيعارادى. بۇل وقۋشىلار اراسىنداعى تەڭدىكتى، بەيتاراپتىقتى جانە ۇيلەسىمدىلىكتى قامتاماسىز ەتۋگە باعىتتالعان. ءارتۇرلى كونفەسسيالاردىڭ ەلەمەنتتەرىن مەكتەپ فورماسىنا ەنگىزۋگە جول بەرىلمەيدى»، - دەگەن قورىتىندىعا كەلدى.

سوتتىڭ قورىتىندىسىنا سايكەس، ءبىرىڭعاي فورما ۇيىمداسقان جانە ءتارتىپتى وقۋ ورتاسىن قۇرۋعا ىقپال ەتەتىن ماڭىزدى ەلەمەنت.

«اتا-انا بالالاردىڭ ورتا ءبىلىم بەرۋ ۇيىمىندا بەلگىلەنگەن مەكتەپ فورماسىن كيۋىن قامتاماسىز ەتەدى. سوت ءبىلىم بەرۋ مەكەمەلەرىنىڭ بەلگىلەنگەن تالاپتارىن ساقتاۋدىڭ ماڭىزدىلىعىنا نازار اۋداردى. سوت قاعيدالاردىڭ 16-تارماعىنىڭ 2) تارماقشاسىن زاڭسىز دەپ تانۋ تۋرالى تالاپتى قاناعاتتاندىرۋدان باس تارتتى»، - دەلىنگەن سوتتىڭ شەشىمىندە.

شەشىم زاڭدى كۇشىنە ەنگەن جوق.

ەسكە سالا كەتسەك، وقۋشىلاردىڭ مەكتەپكە ورامال تاعىپ بارۋ، حيدجاب كيۋ ماسەلەسى بۇعان دەيىن دە كوتەرىلىپ كەلەدى. وسى ورايدا وقۋ-اعارتۋ مينيسترلىگى رەسمي مالىمدەمە جاسادى.

ايتا كەتەيىك، جىل باسىندا پرەمەر- ءمينيستردىڭ ورىنباسارى تامارا دۇيسەنوۆا جۇمىستا حيدجاب كيۋ ماسەلەسىنە بايلانىستى پىكىر ايتتى.

اۆتور
داۋلەت ىزتىلەۋ