12:55, 28 - قاراشا 2024 | GMT +5
مەكتەپ وقۋشىلارى قىسقى كانيكۋلدا قانشا كۇن دەمالادى؟
استانا. قازاقپارات - مەكتەپ وقۋشىلارى قىسقى كانيكۋلدا قانشا كۇن دەمالاتىنى بەلگىلى بولدى. ەكىنشى توقساندا وقۋ ۋاقىتى 8 اپتا بولادى. قازاقستاندىق وقۋشىلار قىسقى دەمالىستى 10 كۇن دەمالادى.
قىسقى كانيكۋل 2024 -جىلعى 30-جەلتوقسانىندا باستالادى جانە 2025 -جىلعى 8-قاڭتارىن قوسا العاندا كۇنتىزبەلىك 10 كۇنگە جالعاسادى.
ەسكە سالايىق، بۇعان دەيىن وقۋشىلار Ⅲ جانە IV توقساندا قالاي دەمالاتىنى بەلگىلى بولعان ەدى.
ءبىرىنشى سىنىپ وقۋشىلارى ءۇشىن ءۇشىنشى توقساندا 2025 -جىلعى 10-اقپاننان 16-اقپاندى قوسا العانعا دەيىنگى ۋاقىتتا ۇزاقتىعى 7 كۇن قوسىمشا دەمالىستار بەرىلەدى.
ءۇشىنشى توقسان 10 وقۋ اپتاسىنان تۇرادى. ال 11 كۇندىك كوكتەمگى كانيكۋل 2025 -جىلعى 21-ناۋرىزىندا باستالىپ، 31-ناۋرىزدى قوسا العانعا دەيىن جالعاسادى.
