مەكسيكا پرەزيدەنتى ا ق ش- قا امەريكا Mexicana دەگەن جاڭا اتاۋدى ۇسىندى
استانا. KAZINFORM - مەكسيكا پرەزيدەنتى كلاۋديا شەينباۋم ا ق ش- تىڭ سايلانعان پرەزيدەنتىنىڭ مەكسيكا شىعاناعىنىڭ اتىن وزگەرتۋ تۋرالى پىكىرىنە جاۋاپ رەتىندە ا ق ش- تىڭ XVII عاسىرداعى اتاۋىن قولدانۋدى ۇسىندى، دەپ حابارلايدى Kazinform مەنشىكتى ءتىلشىسى.
دونالد ترامپ سەيسەنبىدە مەكسيكا شىعاناعىنىڭ اتاۋىن امەريكا شىعاناعى دەپ وزگەرتۋگە نيەتتى ەكەنىن مالىمدەدى.
ءوز كەزەگىندە، مەكسيكا پرەزيدەنتى كلاۋديا شەينباۋم ا ق ش، مەكسيكا جانە كانادانىڭ كەيبىر بولىكتەرى كورسەتىلگەن 1607 -جىلعى كارتانى ۇسىندى. ول دونالد ترامپتىڭ مەكسيكا شىعاناعىنىڭ اتاۋىن وزگەرتۋ تۋرالى ۇسىنىسىنا جاۋاپ رەتىندە ا ق ش- قا اۋماقتىڭ تاريحي اتاۋىن «امەريكانا مەكسيكانا» دەپ قايتارۋدى ۇسىندى، دەپ حابارلايدى NBC News.
- America Mexicana دەپ نەگە اتاماسقا؟ جاقسى ەستىلەدى، سولاي ەمەس پە؟ بۇل راس ەمەس پە؟ - دەپ حابارلادى كلاۋديا شەينباۋم.
1607-جىلى امستەردامدا ورنالاسقان گوللانديالىق وست- يند كومپانياسىنا تاپسىرىس بەرگەن ەۋروپالىق كارتادا بۇل اۋماق «America Mexicana» دەپ اتالدى.
بۇل اتاۋ يسپان بيلىگىنە قارسى تاۋەلسىزدىك قوزعالىسى كەزىندە ازىرلەنگەن اپاتسينگان كونستيتۋتسياسىندا (مەكسيكاندىق امەريكانىڭ 1814 -جىلعى بوستاندىق جارلىعى) دا بار.
كلاۋديا شەينباۋم سونداي-اق دونالد ترامپتىڭ ەلدى ەسىرتكى كارتەلدەرى باسقارادى دەگەن پىكىرىن جوققا شىعارىپ، «مەكسيكانى حالىق باسقارادى» دەپ جاۋاپ بەردى.
وسىعان دەيىن ترامپتىڭ قىتاي، مەكسيكا جانە كانادا تاۋارلارىنا جاڭا تاريف ەنگىزۋدى جوسپارلاپ وتىرعانىن جازدىق.
