مۇحتار ماعاۋين ومىردەن ءوتتى
استانا. KAZINFORM - بەلگىلى جازۋشى مۇحتار ماعاۋين ومىردەن ءوتتى. بۇل تۋرالى قالامگەردىڭ ۇلى ەدىگە ماعاۋين Facebook-تەگى پاراقشاسىندا جازدى.
- ارىستان اكەم فانيدەن باقيعا اتتانىپ كەتتى، ا ق ش- تىڭ مەريلەند شتاتىنداعى ۇيىندە، بالا- شاعاسىنىڭ ورتاسىندا، 2025 -جىلعى قاڭتاردىڭ 9 ى، جەرگىلىكتى ۋاقىت بويىنشا ساعات 19:55 تە (قازاقستان ۋاقىتى بويىنشا قاڭتاردىڭ 10 ى، ساعات تاڭعى 5:55)، - دەپ جازدى ول.
مۇحتار مۇقان ۇلى ماعاۋين 1940-جىلى 2 - اقپاندا سول كەزدەگى سەمەي وبلىسىنىڭ شۇبارتاۋ اۋدانىندا تۋعان. 1962-جىلى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن، 1965-جىلى اسپيرانتۋراسىن بىتىرگەن.
«قازاق ادەبيەتى» گازەتىنىڭ ءبولىم مەڭگەرۋشىسى، «جازۋشى» باسپاسىندا باس رەداكتوردىڭ ورىنباسارى، قازاق ك س ر عىلىم اكادەمياسىنىڭ م. اۋەزوۆ اتىنداعى ادەبيەت جانە ونەر ينستيتۋتىندا اعا عىلىمي قىزمەتكەر بولىپ قىزمەت اتقاردى.
ماسكەۋدە م. گوركي اتىنداعى ادەبيەت ينستيتۋتىندا قازاق فولكلورى مەن قازاق ادەبيەتى تاريحى بويىنشا ارنايى لەكسيالىق كۋرستار جۇرگىزدى.
1984-86-جىلدارى «جازۋشى» باسپاسىنىڭ باس رەداكتورى، 1988-2006 -جىلدارى «جۇلدىز» جۋرنالىنىڭ باس رەداكتورى بولدى.
باسپاءسوز بەتىندە العاش رەت 1959-جىلى كورىندى. 60-جىلدارى نەگىزىنەن ادەبيەت زەرتتەۋشىسى رەتىندە تانىلدى. شىعارمالارى ورىس تىلىنە اۋدارىلعان، شەتەل تىلدەرىندە باسىلعان. فيلولوگيا عىلىمىنىڭ كانديداتى (1967) دەگەن عىلىمي اتاعى بار. قازاقستان جازۋشىلار وداعى باسقارماسىنىڭ حاتشىسى بولىپ تا قىزمەت اتقارعان.
«الاساپىران» تاريحي رومان- ديلوگياسى ءۇشىن قازاق ك س ر- ءىنىڭ اباي اتىنداعى مەملەكەتتىك سىيلىعى بەرىلدى. قازاقستاننىڭ حالىق جازۋشىسى (1984) اتاعىنىڭ، تۇركيانىڭ حالىقارالىق «تۇرىك دۇنيەسىنە قىزمەت» سىيلىعىنىڭ يەگەرى (1997)، «تارلان» سىيلىعىنىڭ لاۋرەاتى (2002)، قازاقستاننىڭ قۇرمەتتى جازۋشىسى (2019) بولدى.
2006 -جىلدىڭ جەلتوقسانىندا قازاقستاننان چەح رەسپۋبليكاسىنا قونىستاندى. سودان بەرى چەحيا، ا ق ش، تۇركيا ەلدەرىندە تۇرىپ، شىعارماشىلىقپەن، عىلىمي زەرتتەۋلەرمەن اينالىستى.
