مۇحتار شاحانوۆ «جالىن» جۋرنالىن جازۋشىلار وداعىنا تاپسىردى

الماتى. KAZINFORM - «جالىن» جۋرنالىنىڭ باس رەداكتورى بولىپ جازۋشى، مادەنيەت قايراتكەرى قۇديار ءبىلال تاعايىندالدى.

بۇل تۋرالى جۋرنالدىڭ جاڭادان تاعايىندالعان باس رەداكتور الەۋمەتتىك جەلىدەگى پاراقشاسىندا مالىمدەدى، دەپ حابارلادى turkystan.kz.

«سىزدەرمەن بۇگىنگى كۇن جاڭالىعىمەن ءبولىسىپ قويعاندى ءجون كوردىك. مۇحتار شاحانوۆ اعامىز ءوز باسشىلىعىنداعى «جالىن» جۋرنالىن جازۋشىلار وداعى قاراماعىنا ءوز قالاۋىمەن تاپسىردى. سوعان وراي جازۋشىلار وداعىنىڭ باسقارما ءتوراعاسى مەرەكە قۇلكەنوۆ اعامىزدىڭ بۇيرىعىمەن جۋرنالدىڭ باس رەداكتورى بولىپ تاعايىندالدىم. جۋرنال رەداكتسياسى دا جازۋشىلار وداعىنىڭ عيماراتىنا ورنالاستى. ءوز اۆتورلارىمىزدى، ءبىزدى ىزدەگەن وزگە دە قالامگەرلەردى سول جەردە كۇتەمىز»، - دەپ جازدى قالامگەر.

ايتا كەتەيىك، اتالمىش جۋرنال 1969 -جىلدان بەرى جارىق كورىپ كەلەدى.