مەشىت بەرەتىن نەكە كۋالىگى رەسمي قۇجات ەمەس، ەستەلىك قانا - نۇرلان يمام

يسلام قۇندىلىقتارىن TikTok ارقىلى ناسيحاتتاپ، كوپشىلىككە تانىلعان ءدىندار، استانا قالاسىنداعى ىرىسكەلدى مەشىتىنىڭ باس يمامى نۇرلان اسانوۆ نەكەنى مەشىت پەن ا ح ا ج- دا قيعىزۋدىڭ ايىرماشىلىقتارى تۋرالى پىكىر ءبىلدىردى، دەپ حابارلايدى Kazinform.

имам
Фото: Фото: Kazinform

«دىنىمىزدە نەكەلەسۋ - مىندەتتى امال. وتباسىن قۇرىپ، ۇرپاق تاراتۋ ماڭىزدى ىستەردىڭ ىشىندەگى ەڭ ۇلىسى. «ۇيلەنىڭدەر جانە كوبەيىڭدەر! قيامەت كۇنى ۇممەتىمنىڭ كوپتىگىمەن ماقتانامىن دەگەن»، - دەيدى ول.

يمامنىڭ پايىمىنشا، نەكە قازاقستان زاڭناماسىنا ساي تىركەلۋ ءۇشىن ا ح ا ج- عا بارىپ تىركەلۋ دۇرىس. ال مەشىتتە نەكە قيعىزۋ بۇل ءراسىمنىڭ بالاماسى بولا المايدى. ويتكەنى ەلىمىز كونستيتۋتسيا بويىنشا زايىرلىلىق باعىتىن، زاڭ ۇستەمدىگىن ۇستانادى.

«ەلىمىزدە مەشىتتەردە جۇرگىزىلەتىن ءدىني نەكە قيۋ ءراسىمى ءدىني جورالعىلاردىڭ ساناتىنا جاتادى. قيىلعان نەكەنى كۋالاندىراتىن نەكە كۋالىگى نەكەلەسۋشىلەرگە تەك ەستەلىك رەتىندە عانا بەرىلەدى. ول كۋالىك قازاقستان رەسپۋبليكاسى، ا ح ا ج بولىمىمەن بەرىلەتىن نەكە قۇجاتىنا تەڭ كەلەتىن دارەجەدەگى زاڭدى كۇشكە يە ەمەس. وسىعان وراي، ەلىمىزدەگى بارلىق مەشىتتەردەگى نەكە قيۋ ءراسىمى تەك قانا ا ح ا ج ءبولىمىنىڭ تىركەۋىنەن كەيىن جۇرگىزىلەدى. سەبەبى، نەكەلەسۋدىڭ ارعى جاعىندا ۇلكەن جاۋاپكەرشىلىك، زور تالاپ، ومىرلىك ۇرپاق تۇرادى»، - دەيدى نۇرلان قاجى اسانوۆ.

ايتا كەتەيىك، بۇعان دەيىن ادىلەت ءمينيسترى ازامات ەسقارايەۆ نەكەنى مەشىتتە عانا قيۋدىڭ سالدارى تۋرالى پىكىر بىلدىرگەن بولاتىن.

سوڭعى جاڭالىقتار