Meta ترامپقا 25 ميلليون دوللار ايىپپۇل تولەيدى
استانا. KAZINFORM – ا ق ش پرەزيدەنتى دونالد ترامپ Meta (Facebook) جانە Instagram يەسى مارك تسۋكەربەرگپەن ەسكى كيكىلجىڭگە بايلانىستى زاڭدى كەلىسىمگە كەلدى. بۇل تۋرالى Euronews حابارلادى.

Meta دونالد ترامپقا ا ق ش پرەزيدەنتىنىڭ الەۋمەتتىك جەلىدەگى اككاۋنتتارىن بۇعاتتاۋ تۋرالى سوت ءىسىن رەتتەۋ ءۇشىن 25 ميلليون دوللار تولەۋگە كەلىستى. قاراجات پرەزيدەنتتىك كىتاپحانانى قولداۋعا باعىتتالادى.
2021-جىلدىڭ 6-قاڭتارىندا كاپيتوليدەگى تارتىپسىزدىكتەردەن كەيىن Facebook جانە Instagram-داعى الەۋمەتتىك جەلىلەردەگى اككاۋنتتارىن بۇعاتتاپ تاستاعانى ءۇشىن ا ق ش پرەزيدەنتى دونالد ترامپ كومپانيانى سوتقا بەرگەن، كومپانيا ونىمەن زاڭدى داۋدى شەشۋ ءۇشىن 25 ميلليون دوللار تولەۋگە كەلىستى.
The Wall Street Journal باسىلىمىنىڭ حابارلاۋىنشا، كەلىسىم شارتتارىنا سايكەس، 22 ميلليون دوللار پرەزيدەنت كىتاپحاناسىنىڭ قورىنا تۇسەدى، ال قالعانى سوت شىعىندارىنا جۇمسالادى.
امەريكالىق ب ا ق كومپانيا باسشىسى مارك تسۋكەربەرگتىڭ سوڭعى ۋاقىتتا ءوز كورپوراتسياسىن جاڭا اكىمشىلىكتىڭ ىقتيمال سوققىسىنان قورعاۋ ءۇشىن ترامپپەن قارىم-قاتىناستى جاقسارتۋعا تىرىسىپ جاتقانىن اتاپ ءوتتى.
ايتا كەتەيىك، دونالد ترامپ ا ق ش- تا TikTok-قا تىيىم سالۋدى تالاپ ەتەتىن زاڭنىڭ ورىندالۋىن 75 كۇنگە كەيىنگە قالدىراتىن جارلىققا قول قويدى.
سونداي-اق، دەموكراتيالىق پارتيانىڭ باس پروكۋرورلارى ا ق ش پرەزيدەنتى دونالد ترامپتىڭ تۋا بىتكەن ازاماتتىقتى الىپ تاستاۋ تۋرالى جارلىعىنا بايلانىستى سوتقا شاعىم ءتۇسىردى.