10:25, 17 - قازان 2023 | GMT +6
مۇشە الۋ (نەمەسە مۇشە الىپ قاشۋ) دەگەن قانداي سالت؟
مۇشە الۋ (نەمەسە مۇشە الىپ قاشۋ) - قازاقتىڭ ەجەلگى سالتى. «مۇشە الىپ قاشىپ جەڭگەدەن، بوزبالا ەركە قىزعا اپار» (ع. قايىربەكوۆ).
توي-تومالاقتا، مەرەكەلىك جيىندا 5-6 سالت اتتى جىگىت كوپشىلىك وتىرعان جەرگە كەلىپ، جەڭگەلەرىنەن «مۇشە بەرىڭىز» دەپ سۇرايتىن بولعان. مۇشە سۇراعان ءبىر جىگىتكە جۇزىك، اينا سەكىلدى باعالى نارسەلەر سالىنعان تۇيىنشەك بەرگەن. جىگىت ونى الىپ، قاشا جونەلەدى، وزگە جىگىتتەر ىزىنەن تۇرا قۋادى. بۇل «كوكپار» ويىنىنا ۇقسايدى. جىگىتتەر قاشقان جىگىتتى قۋىپ، تۇيىنشەككە تالاسادى. مۇشە الىپ قاشقان جىگىتتىڭ ماقساتى - قولىنداعى تۇيىنشەگىن ەشكىمگە الدىرماي، سۇيگەن قىزىنا اپارۋ. ال ايىرىلىپ قالسا، تۇيىنشەككە يە بولعان جىگىت ونى ءوز سۇيىكتىسىنە اپارادى.
بۇل سالتتىڭ ماقساتى، تالىمدىك ءمانى - جىگىتتەردى ەپتىلىككە، قىراعىلىققا باۋلۋ.
