مۇگەدەكتىگى بار جانداردى جۇمىسقا ورنالاستىرۋ ءتارتىبى قانداي

مۇگەدەكتىگى بار جاندارعا ارنايى جۇمىس ورنىن جابدىقتاۋ شىعىندارىن مەملەكەت سۋبسيديالايدى. ق ر ەڭبەك جانە الەۋمەتتىك قورعاۋ مينيسترلىگى مۇگەدەكتىگى بار جانداردى جۇمىسقا ورنالاستىرۋ شارالارى قالاي ءجۇرىپ جاتقانىن ايتىپ بەردى، دەپ حابارلايدى قازاقپارات ءتىلشىسى.

мүгедек
Фото: Фото: ҚазАқпарат

الەۋمەتتىك كودەكسكە سايكەس، جەرگىلىكتى اتقارۋشى ورگاندار اۋىر جۇمىستاعى، ەڭبەك جاعدايى زياندى، قاۋىپتى جۇمىس ورىندارىن ەسەپكە الماعاندا، مۇگەدەكتىگى بار ادامدار ءۇشىن جۇمىس ورىندارىنىڭ %2-4 ىنا دەيىن جۇمىس ورىندارىنا كۆوتا بەلگىلەيدى.

وسىلايشا، وتكەن جىلى 12,2 مىڭ ادام كۆوتا شەڭبەرىندە جۇمىسقا ورنالاستىرىلعان. 2023-جىلدىڭ 2- توقسانىندا 7,9 مىڭ ادام جۇمىسقا كىرگەن.

«وعان قوسا، ارنايى جۇمىس ورنىن جابدىقتاۋعا بايلانىستى جۇمىس بەرۋشىلەردىڭ شىعىندارىن سۋبسيديالاۋ قاراستىرىلعان. 2018-جىلدان باستاپ حالىقارالىق تاجىريبەنى ەسكەرىپ، مۇگەدەكتىگى بار جانداردى جۇمىسقا ورنالاستىرۋ ءۇشىن ارنايى جۇمىس ورنىن جابدىقتاۋعا بايلانىستى جۇمىس بەرۋشىلەر شىعىنىن سۋبسيديالاۋ ءتارتىبى ەنگىزىلدى. سۋبسيديا جۇمىس بەرۋشىلەرگە ارنايى جۇمىس ورىندارىن جاراقتاندىرۋ ءۇشىن جابدىق ساتىپ الۋعا، مونتاجداۋعا جانە ورناتۋعا جۇمسالعان شىعىندى وتەۋ ماقساتىندا بەرىلەدى»، - دەپ جاۋاپ بەردى مينيسترلىك اگەنتتىكتىڭ رەسمي ساۋالىنا.

2022-جىلى مۇگەدەكتىگى بار ادامدار ءۇشىن 55 ارنايى جۇمىس ورنى قۇرىلعان (كورۋ قابىلەتى بۇزىلعان 20 ادام، ەستۋ قابىلەتى بۇزىلعان 22 ادام جانە تىرەك-قوزعالىس اپپاراتى بۇزىلعان 13 ادام). بۇگىنگى تاڭدا مۇگەدەكتىگى بار ادامدار ءۇشىن 18 ارنايى جۇمىس ورنى قۇرىلدى.

«جۇمىسپەن قامتۋعا جاردەمدەسۋ شارالارى تۇراقتى نەگىزدە جەتىلدىرىلەدى. ماسەلەن، بۇل مەحانيزم 2022-جىلدىڭ سوڭىندا قايتا قارالدى. بيىلدان باستاپ جۇمىس بەرۋشىلەردىڭ شىعىندارى بەكىتىلگەن جانە دە 300 ا ە ك- كە دەيىن (1 ميلليون تەڭگە) وتەلەدى. بۇل شاراعا 2023-جىلى 207 ادامعا 214,2 ميلليون تەڭگە قاراستىرىلعان»، - دەيدى ەڭبەك مينيسترلىگى.

سونىمەن قاتار جابدىقتالعان ارنايى جۇمىس ورىندارىنا الىناتىن مۇگەدەكتەگى بار ادامداردىڭ جالاقىسى ءۇش جىل ىشىندە سۋبسيديالانادى: ءبىرىنشى جىلى جالاقىنىڭ %70 مەملەكەت، %30 - جۇمىس بەرۋشى سۋبسيديالايدى؛ ەكىنشى جىلى %65 مەملەكەت، %35 - جۇمىس بەرۋشى؛ ءۇشىنشى جىل %60 مەملەكەت، %40 - جۇمىس بەرۋشى وتەيدى. 2023-جىلعا جالاقىنى سۋبسيديالاۋعا 90 ميلليون تەڭگە قاراستىرىلعان.

جۇمىسپەن قامتۋعا جاردەمدەسۋ شارالارى كاسىپكەرلىكتى دامىتۋ ۇلتتىق جوباسىندا دا قاراستىرىلعان.

وندا جۇمىس ىزدەپ جۇرگەن ادامدار، جۇمىسسىزدار جانە ازاماتتاردىڭ جەكەلەگەن ساناتتارى، ونىڭ ىشىندە مۇگەدەكتىگى بارلار، ەڭبەك نارىعىندا سۇرانىسقا يە ماماندىقتار مەن بىلىكتىلىكتەر بويىنشا قىسقا مەرزىمدى وقىتۋ كۋرستارىنان، «ەلەكتروندى ەڭبەك بيرجاسى» بازاسىندا (skills.enbek.kz) ونلاين وقىتۋدان وتۋگە، بيزنەس-يدەيالاردى ىسكە اسىرۋ ءۇشىن وتەۋسىز گرانت الۋعا، «جاستار پراكتيكاسى»، «العاشقى جۇمىس ورنى»، «كۇمىس جاس» جانە «ۇرپاقتار كەلىسىمشارتى» جوبالارىنا قاتىسۋعا مۇمكىندىك بار.

سونداي-اق، 2023-جىلدان باستاپ بيزنەستى دامىتۋعا ارنالعان 400 ا ە ك- كە دەيىنگى گرانتتار اتاۋلى الەۋمەتتىك كومەك، كوپ بالالى جانە ونىڭ جۇبايى بويىنشا جاردەماقى، اسىراۋشىسىنان ايرىلۋ بويىنشا الەۋمەتتىك جاردەماقى الۋشىلارعا، قونىس اۋدارۋشىلارعا، قانداستارعا، ەڭبەككە قارسى كورسەتىلىمدەرى بار، مۇگەدەك بالانى جانە ونىڭ جۇبايىن تاربيەلەپ وتىرعان مۇگەدەكتىگى بارلارعا، حالىقتىڭ الەۋمەتتىك وسال توپتارىنا جاتاتىن ادامدارعا بەرىلەدى.

1- قىركۇيەكتەگى جاعداي بويىنشا ۇلتتىق جوباعا قاتىسۋعا 34316 ادام ءوتىنىش ءبىلدىرىپ، جۇمىسپەن قامتۋعا جاردەمدەسۋ شارالارىمەن 24866 مۇگەدەكتىگى بار ادام قامتىلعان.

بۇعان دەيىن ەڭبەك جانە حالىقتى الەۋمەتتىك قورعاۋ مينيسترلىگى ەلدەگى مۇگەدەكتىگى بار جاندارعا قانداي قولداۋ شارالارى قاراستىرىلعانىن ايتقان ەدى.

سوڭعى جاڭالىقتار