مۇگەدەك جاسوسپىرىمگە قىزمەت كورسەتپەگەن اۋە كومپانياسى جازالاندى

استانا. KAZINFORM - باس كولىك پروكۋراتۋراسى حابارلاۋىنشا، اۋە كومپانياسى كامەلەت جاسىنا تولماعان جاسوسپىرىمگە ۋاقتىلى قىزمەت كورسەتپەگەن.

Астана әуежайы
فوتو: ۆيكتور فەديۋنين/kazinform

- 2024 -جىلدىڭ 3-قاراشاسىندا سانكت- پەتەربۋرگ- استانا رەيسىمەن ۇشىپ كەلگەن مۇمكىندىگى شەكتەۋلى كامەلەتكە تولماعان جولاۋشىعا اۋە كومپانياسى ءتيىستى قىزمەت كورسەتپەگەن. ۇزاق كۇتكەن جولاۋشىنىڭ اكەسى بالانى ۇشاقتان ءوزى شىعارۋعا ءماجبۇر بولدى، - دەلىنگەن حابارلامادا.

اقپاراتتا ايتىلعانداي، قىزمەتتى ۋاقتىلى كورسەتپەۋگە اۋە كومپانياسى قىزمەتكەرلەرىنىڭ مۇگەدەك ارباسىنىڭ قاجەتتىگى تۋرالى قاتە حابارلاماسى سەبەپ بولعان.
وسىلايشا استانا اۆياتسيالىق كولىك پروكۋراتۋراسى ەرەكشە قاجەتتىگى بار جولاۋشى قۇقىعىنىڭ بۇزىلعانىن انىقتادى.

- پروكۋراتۋرا اكتىسى بويىنشا اۋە كومپانياسى تاسىمالداۋ ەرەجەلەرىن بۇزعانى ءۇشىن اكىمشىلىك جاۋاپتىلىققا تارتىلدى (قازاقستان رەسپۋبليكاسىنىڭ اكىمشىلىك قۇقىق بۇزۋشىلىقتار تۋرالى كودەكسىنىڭ 571-بابىنىڭ 1-بولىگى)، - دەيدى باس كولىك پروكۋراتۋرادان.

ەسكە سالا كەتسەك، بىلتىر Air Astana كومپانياسىنىڭ ۇشاعى 12 جاسار قىز بالا - زەرەنى «استانا- ورال» رەيسىنەن قالدىرىپ كەتكەنى تۋرالى جازعان ەدىك. سوت شەشىمىمەن اۋە كومپانياسى بالانىڭ اتا- اناسىنا 5 ميلليون تەڭگە مورالدىق وتەماقى تولەيتىن بولدى.

اۆتور

داۋلەت ىزتىلەۋ

سوڭعى جاڭالىقتار