مەدەۋدە 2-قاراشا كۇنى مۇز ايدىنى اشىلادى

الماتى. KAZINFORM - «مەدەۋ» مۇز ايدىنىندا كونكيمەن سىرعاناۋ ماۋسىمى 2-قاراشا كۇنى اشىلادى.

الماتى اكىمدىگىنەن ءمالىم ەتكەندەي، 1-قاراشادا «مەدەۋ» مۇز ايدىنى تەحنيكالىق رەجيمدە ىسكە قوسىلادى، وعان بارلىق تىلەك بىلدىرۋشىلەر سەانس كەستەسىنە سايكەس بارا الادى.

ال، ەكىنشى قاراشادا «مەدەۋ» بيىك تاۋلى مۇز ايدىنىندا جاپپاي سىرعاناۋدىڭ جاڭا ماۋسىمىنىڭ سالتاناتتى اشىلۋى وتەدى.

سالتاناتتى اشىلۋ باعدارلاماسى ساعات 12:00 دەن 15:30 عا دەيىن جالعاسادى.

كەلۋشىلەر ءۇشىن قازاقستاندىق ەسترادا جۇلدىزدارىنىڭ قاتىسۋىمەن كونسەرتتىك باعدارلاما قاراستىرىلعان. كەشكى ساعات 17:00 دەن 20:00 گە دەيىن قوناقتار كونكۋرستارعا قاتىسىپ، سىيلىقتارىن الادى.

جاڭا ماۋسىمدا كەلۋشىلەردى كۇندەلىكتى جاپپاي سىرعاناۋ سەانستارى، مەرەكەلىك ءىس-شارالار جانە سپورتتىق جارىستار كۇتەدى. نيەت بىلدىرۋشىلەر كونكيدى جالعا الىپ، دەمالىس ايماعىن پايدالانا الادى.

الماتى قالاسى سپورت عيماراتتارىنىڭ ديرەكتسياسى قالا تۇرعىندارى مەن قوناقتارىنا كاسسالارداعى كەزەكتەردى بولدىرماۋ جانە تۋرنيكەت جۇيەسى ارقىلى جىلدام ءوتۋدى ۇيىمداستىرۋ، كەپتەلىستەر مەن تۇراق قيىندىقتارىن بولدىرماۋ ءۇشىن بيلەتتەردى www.medeu.kz رەسمي سايت ارقىلى ساتىپ الۋدى جانە قوعامدىق كولىكتەردى پايدالانۋدى ۇسىنادى.

اشىلۋ كۇنى 12-اۆتوبۋس باعىتىن «مەدەۋ» بيىك تاۋلى مۇز ايدىنىنا دەيىن ۇلعايتۋ جوسپارلانۋدا. اۆتوبۋستار جۇمىس كۇندەرى ساعات 8:00 دەن 00:00 گە دەيىن جانە دەمالىس كۇندەرى ساعات 8:00 دەن 01:00 گە دەيىن جۇرەدى.

كولىك جۇرەتىن ورىنداردى 2GIS قىزمەتىنەن تابۋعا بولادى.