مەدەۋ مۇز ايدىنىندا كونكيمەن سىرعاناۋ ماۋسىمى قاشان اشىلادى
«مەدەۋ» مۇز ايدىنىندا كونكيمەن سىرعاناۋ ماۋسىمى 15-قاراشا كۇنى اشىلادى. بۇل تۋرالى مۇز ايدىنىڭ باسپا ءسوز قىزمەتى الەۋمەتتى جەلىدە ءمالىم ەتتى، دەپ حابارلايدى Kazinform.
«مەدەۋ» مۇز ايدىنى باسشىلىعىنىڭ مالىمەتىنشە، قازىرگى ۋاقىتتا اشىلۋ سالتاناتىنا دايىندىق جۇمىستارى ءجۇرىپ جاتىر.
«دوستار! بۇگىن ءبىز سىزدەرمەن قۋانىشتى جاڭالىقپەن بولىسكىمىز كەلەدى. «مەدەۋ» مۇز ايدىنى» ءوز ەسىگىن 15-قاراشا كۇنى ايقارا اشادى.
قازىرگى كەزدە ءبىز اشىلۋ سالتاناتىنا دايىندالىپ جاتىرمىز! نىساندا دايىندىق جۇمىستارى اياقتالىپ، مۇز قۇيىلا باستادى»، - دەپ جازدى جەلىدە «مەدەۋ» مۇز ايدىنىڭ باسپا ءسوز قىزمەتى.
ەسكە سالاساق، الەۋمەتتىك جەلىدە مەدەۋدە جاۋعان قاردىڭ ۆيدەولارى پايدا بولعان ەدى.
سونداي- اق قۇلاعان تاستاردىڭ سالدارىن جويۋعا بايلانىستى مەدەۋ-شىمبۇلاق اۆتوجولىمەن ءوتۋدىڭ رەجيمى بەلگىلەنگەن بولاتىن.
