«مەدەۋ» مۇز ايدىنى حالىقارالىق جارىستار وتكىزۋگە لايىقتى بولادى
استانا. KAZINFORM - «مەدەۋ» بيىك تاۋلى مۇز ايدىنىنا جوندەۋ جۇمىستارى جۇرگىزىلەدى. بۇل جايىندا ءماجىلىس دەپۋتاتتارىنىڭ ساۋالىنا پرەمەر-مينيستر ولجاس بەكتەنوۆتىڭ جاۋابىندا ايتىلعان.
- الماتى قالاسىن 2025-جىلعا دەيىن جانە ورتا مەرزىمدى كەلەشەكتە 2030-جىلعا دەيىن دامىتۋ باعدارلاماسىنا سايكەس، 2025-2027-جىلدارى جەرگىلىكتى بيۋجەت قاراجاتى ەسەبىنەن مەدەۋدى جاڭعىرتۋ جوسپارلانعان. بۇگىندە بيۋجەت زاڭناماسىنا سايكەس پروتسەدۋرالار جۇرگىزىلىپ جاتىر، - دەدى ۇكىمەت باسشىسى.
ونىڭ اتاپ وتۋىنشە، نىساندى جاڭعىرتۋ ارەنانىڭ تەحنيكالىق سيپاتتاماسىن جاقسارتادى. وسىلايشا، مەدەۋ كونكيمەن جۇگىرۋ سپورتى مەن مانەرلەپ سىرعاناۋدان حالىقارالىق جارىستار وتكىزۋ ءۇشىن حالىقارالىق كونكيمەن جۇگىرۋ وداعىنىڭ تالاپتارىنا ساي بولادى.
سونىمەن قاتار الماتى قالاسىنىڭ اكىمدىگى مۇز ايدىنىن جاڭعىرتۋ اياسىندا ونىڭ دوپتى حوككەيدەن جارىستار وتكىزۋ، مۇزداعى شوۋ سىندى ءتۇرلى مادەني- سپورتتىق بۇقارالىق ءىس-شارالاردى وتكىزۋ مۇمكىندىكتەرىن كەڭەيتۋگە باعىتتالعان شارالار قابىلدايدى.
«مەدەۋ» مۇز ايدىنىنىڭ اينالاسىندا جاڭا اللەيالار مەن سەرۋەندەۋگە ارنالعان جولدار پايدا بولاتىنىن جازعان بولاتىنبىز.
