مۇعالىم بولىپ جۇمىسقا تۇرۋعا 1,5 ميلليون تەڭگە پارا سۇرايدى - داۋلەت مۇقايەۆ

дәулет мұқаев
Фото: Мәжіліс

  اسنا. KAZINFORM - ءماجىلىس دەپۋتاتى داۋلەت مۇقايەۆ الەۋمەتتىك- مادەني دامۋ كوميتەتىنىڭ وتىرىسىندا قىزىلوردا وبلىسى مەن شىمكەنتتەن كەلەتىن شاعىمداردىڭ مازمۇنىنا توقتالدى.

«جەمقورلىق بارلىق سالادا كەزدەسەدى. بالا دۇنيە كەلگەننەن باستاپ قايتىس بولعانعا دەيىن. ءسوزدىڭ اشىعى كەرەك. قۇداي ساقتاسىن، ادام ولسە، الماتىداعى تاۋدىڭ ماڭايى، كەڭساي زيراتىنىڭ ماڭايى… ودان كەيىن بالا دۇنيەگە كەلەتىن كەزدە جاقسى دارىگەر، پەرزەنتحانا كەرەك دەپ تاعى ىزدەيدى. ودان كەيىن بالاباقشا، مەكتەپ كەتەدى. بالا ۋنيۆەرسيتەتكە تۇسەدى. وسىدان سوڭ ۇيلەنىپ، وتباسىلى بولادى. وسى كەزدە ولارعا ءۇي كەرەك. ونى الۋ ءۇشىن ءۇيدىڭ كەزەگىنە تۇرۋ قاجەت. جۇمىسقا ورنالاسادى. وسى سالانىڭ بارىندە - جەمقورلىق. اسىرەسە، ماعان قىزىلوردا وبلىسى، شىمكەنت قالاسىنان (تۇرعىندار) كوپ حات جازادى. مىسالى، جاي عانا ەدەن جۋۋشى بولىپ جۇمىسقا ورنالاسۋ ءۇشىن 500 مىڭ تەڭگە سۇرايدى ەكەن. مۇعالىمدەردىڭ ستاۆكاسى 1-1,5 ميلليون تەڭگە بولىپ كەتكەن»، - دەدى دەپۋتات.

سىبايلاس جەمقورلىققا قارسى ءىس- قيمىل اگەنتتىگى پريەۆەنتسيا قىزمەتىنىڭ باسشىسى سايان احمەتجانوۆ حالىقتان جەمقورلىق فاكتىسى بويىنشا كەلەتىن شاعىمدار قالاي قارالاتىنىن ايتتى.

«ءسىز 1424 دەپ ايتىپ جاتىرسىز. 1424 نومىرىنە تاۋلىك بويى حابارلاسۋعا بولادى. وندا قىلمىس جايلى مالىمەت بولسا، ماتەريال تىركەلەدى… ءبىز وسى ماسەلە بويىنشا ءار سالادا كۇن سايىن قابىلداۋ جۇرگىزەمىز. جۇمىس ىستەپ جاتىرمىز. انونيمدى فاكتى بولسا، ونداي جاعدايدا (دەرەكتى) تالداۋعا الامىز. مۇنى كىم ايتتى، دەرەك قايدا تىركەلدى، قاي مەملەكەتتىك ورگان، ول مەكتەپ پە، بالاباقشا ما؟ ونى انىقتاۋعا بولادى. الايدا قىلمىستىق ءىس قوزعاۋ ءۇشىن ارىزدانۋشى بولۋى كەرەك»، - دەدى انتيكور وكىلى.

اۆتور

ەسىمجان ناقتىباي

سوڭعى جاڭالىقتار