ماگيستراتۋراعا تۇسۋگە ارنالعان كەشەندى تەستىلەۋ باستالدى

ماگيستراتۋراعا تۇسۋگە ارنالعان كەشەندى تەستىلەۋ باستالدى، دەپ حابارلايدى Kazinform ق ر عىلىم جانە جوعارى ءبىلىم مينيسترلىگىنىڭ باسپا ءسوز قىزمەتىنە سىلتەمە جاساپ.

ەستەرىڭىزگە سالا كەتسەك، كەشەندى تەستىلەۋدى تاپسىرۋعا ءوتىنىش قابىلداۋ ق ر ع ج ب م ۇلتتىق تەستىلەۋ ورتالىعىنىڭ سايتىندا app.testcenter.kz جۇزەگە اسىرىلدى.

ماگيستراتۋراعا تۇسۋگە ارنالعان كەشەندى تەستىلەۋگە 8 مىڭنان استام ءوتىنىش قابىلداندى. ەڭ كوپ تاڭدالعان ءبىلىم بەرۋ باعىتتارى قاتارىندا «پەداگوگيكالىق عىلىمدار»، «ينجەنەرلىك، وڭدەۋ جانە قۇرىلىس سالالارى» جانە «جاراتىلىس تانۋ عىلىمدارى، ماتەماتيكا جانە ستاتيستيكا» بار.

ەمتيحان 8- جەلتوقسانعا دەيىن جالعاسادى.

شەكتى بالدار وزگەرىسسىز قالدى: عىلىمي-پەداگوگيكالىق ماگيستراتۋراعا ءتۇسۋ ءۇشىن 75 بال، بەيىندىك ماگيستراتۋراعا ءتۇسۋ ءۇشىن 50 بال جيناۋ قاجەت. كەشەندى تەستىلەۋ ناتيجەلەرىمەن كەلىسپەگەن جاعدايدا وقۋعا تۇسۋشىلەر تەستىلەۋ اياقتالعاننان كەيىن 30 مينۋت ىشىندە ونلاين- اپەللياتسيا بەرە الادى.

ماگيستراتۋراعا تۇسۋشىلەر 3,8 مىڭ مەملەكەتتىك ءبىلىم گرانتىنا ۇمىتكەر بولا الادى. ونىڭ ىشىندە «ينجەنەرلىك، وڭدەۋ جانە قۇرىلىس سالالارى» ءبىلىم بەرۋ باعدارلاماسىنا 1758 گرانت، جاراتىلىس تانۋ عىلىمدارى، ماتەماتيكا جانە ستاتيستيكاعا» 569 گرانت، «پەداگوگيكالىق عىلىمدارعا» 469 گرانت بولىنگەن.