مايقايىڭداعى اپات: قۇتقارۋشىلار ويىق تۇبىنە قوسىمشا تەحنيكا تۇسىرە الماي وتىر

майқайың
فوتو: پاۆلودار وبلىسى ت ج د

پاۆلودار. KAZINFORM - قۇتقارۋشىلار ءوز ومىرلەرىنە تاۋەكەلگە تىگە وتىرىپ، مايقايىڭداعى ويىق ءتۇبىن قازۋ جۇمىستارىن جالعاستىرۋدا. شۇڭقىر شەتىندەگى توپىراق جىنىسى مەزگىل سايىن وپىرىلىپ قۇلاپ جاتىر.

بۇعان دەيىن كەنىشتە گيدراۆليكالىق بالعاسى بار ەكسكاۆاتور شاعىن كولەمدى تاستى ۇساقتاپ، ونىڭ استىنان اۆتوبۋستىڭ قوسالقى دوڭعالاعى شىققانى تۋرالى حابارلاعان ەدىك. بۇگىن قۇتقارۋشىلار توپىراق اراسىنان اۆتوبۋسقا تيەسىلى تاعى بىرنەشە ۇساق بولشەكتەردى قازىپ شىعاردى. شاعىن ەكسكاۆاتورلار اۆتوبۋس جاتۋى ىقتيمال جەردى اسا ساقتىقپەن قازىپ، جول سالىپ جاتىر.

майқайың
فوتو: پاۆلودار وبلىسى ت ج د

«قۇتقارۋشىلاردىڭ ومىرىنە ويىق شەتىنەن تومەن قۇلاپ جاتقان توپىراقتار قاۋىپ ءتوندىرىپ تۇر. سوندىقتان شۇڭقىردىڭ تۇبىنە ءبىر نەمەسە ەكى شاعىن ەكسكۆاتوردان ارتىق تەحنيكا ءتۇسىرۋ مۇمكىن ەمەس. ال تەحنيكالاردىڭ باعىتىن سىرتىنان ۇيلەستىرىپ تۇرۋ ءۇشىن ول جەردە بىرنەشە مامان عانا بولا الادى. وزگە قۇتقارۋشىلار ويىقتاعى پروتسەستى ۇدايى باقىلاپ، ءۇيىندى قۇلاي قالعان جاعدايدا تومەندەگىلەردى تارتىپ شىعۋعا دايىن وتىرادى. بارلىق تەحنيكا مەن ادامدار ارنايى تەمىر ارقاندارعا جالعانعان»، دەپ مالىمدەدى وڭىرلىك توتەنشە جاعدايلار دەپارتامەنتىنەن.

Майқайың
فوتو: پاۆلودار وبلىسى ت ج د

قازىرگى ۋاقىتتا ويىق تۇبىندە ءبىر ءشومىشتى جانە ءبىر گيدراۆليكالىق بالعاسى بار شاعىن ەكسكاۆاتورلار جۇمىس ىستەپ جاتىر. ەكى بۋلدوزەر بولات كەرمەلەردى تارتىپ تۇرسا، تاعى ەكەۋى ەكسكۆاتاتورلاردى ساقتاندىرۋ ارقانىن ۇستاپ تۇر.

تومەندەگى جۇمىستارمەن پاۆلودار وبلىسى ت ج د شۇعىل قۇتقارۋ جاساعىنىڭ 15 قۇتقارۋشىسى، ك ءا ا ق ق ر و ش پاۆلودار فيليالىنىڭ 15 قۇتقارۋشىسى، 2 تاۋ-كەن ينجەنەرى شۇعىلدانۋدا.

ىزدەستىرۋ-قۇتقارۋ جۇمىستارىنا بارلىعى 138 ادام، 40 بىرلىك تەحنيكا، 3 كينولوگيالىق ەسەپ جانە 2 درون جۇمىلدىرىلدى.

Майқайың
فوتو: پاۆلودار وبلىسى ت ج د

 


اۆتور
مۇرات اياعان

سوڭعى جاڭالىقتار