مايقايىڭدا قازا تاپقان قۇتقارۋشىلاردىڭ وتباسىنا قانداي كومەك كورسەتىلدى؟

استانا. قازاقپارات – پاۆلودار وبلىسى اكىمى اسايىن بايحانوۆ مايقايىڭدا قازا تاپقان قۇتقارۋشىلاردىڭ وتباسىلارىنا قانداي كومەك كورسەتىلگەنىن ايتتى.

اكىم ولەگ تىشكيەۆيچ پەن سارقىت بەردىقان، ءدال 4-قاڭتاردا وقيعا بولعان كۇنى تابىلعانىن، ال ايدوس شايمەردەن 19-شىلدە، ايىپ تولەۋبەرگەن 25-شىلدە تابىلعانىن ايتتى. سونداي-اق، ول قازا تاپقانداردىڭ وتباسىلارىنا قانداي كومەك كورسەتىلگەنىن ايتتى.

ايدوس شايمەردەننىڭ وتباسىنا «مايقايىڭالتىن» ا ق مەن پ ۆا ا س- تان 52,6 ميلليون تەڭگە، وتباسىنىڭ 10,9 ميلليون تەڭگە نەسيەسى وتەلدى، پاۆلوداردا 4 بولمەلى پاتەر بەرىلىپ، كامەلەتكە تولماعان 5 بالاسىنا اي سايىن 259,6 مىڭ تەڭگە تولەنەدى.

سارقىت بەردىقاننىڭ وتباسىنا «مايكاينزولوتو» ا ق مەن پ ۆ ا ا س- تان 39,9 ميلليون تەڭگە، وتباسىنىڭ 1 ميلليون تەڭگە نەسيەسى وتەلدى، كامەلەتكە تولماعان 2 بالاسىنا اي سايىن 104,2 مىڭ تەڭگە تولەنەدى.

ولەگ تىشكيەۆيچتىڭ وتباسىنا «مايكاينزولوتو» ا ق مەن پ ۆ ا ا س- تان 14,9 ميلليون تەڭگە، وتباسىنىڭ 1,5 ميلليون تەڭگە نەسيەسى وتەلدى، كامەلەتكە تولماعان بالالارىنا ءبىرجولعى 716 مىڭ تەڭگە تولەنەدى.

ايىپ تولەۋبەرگەننىڭ وتباسىنا «مايكاينزولوتو» ا ق مەن پ ۆ ا ا س- تان 17,2 ميلليون تەڭگە، وتباسىنىڭ 14,4 ميلليون تەڭگە نەسيەسى وتەلدى، كامەلەتكە تولماعان 1 بالاسىنا اي سايىن 187,9 مىڭ تەڭگە تولەنەدى.

«ولەگ تىشكيەۆيچتىڭ 2 بالاسى بار. ولار ۇلكەن كەنجەسى 23 تە. ولار سوتقا شاعىمداندى. سوتتىڭ اپپەلياتسيالىق ينستانتسياسىندا ءار بالاسىنا 7,5 ميلليون تەڭگە دەپ وزگەرتىلدى. مەن سوت شەشىمىنە پىكىر بىلدىرە المايمىن. ءبىز وعان ارالاسا المايمىز. جالپى 183 ميلليون تەڭگەگە 4 وتباسىعا جاردەم كورسەتىلدى. وتەماقى تولىعىمەن بەرىلىپ قويدى»، - دەدى ول.

بۇعان دەيىن نە بەلگىلى بولدى؟

ەسكە سالايىق، 25-شىلدەدە مايقايىڭدا شاحتاعا قۇلاپ، مەرت بولعان ءتورتىنشى قۇتقارۋشىنىڭ دەنەسى تابىلعان بولاتىن. ول «مايقايىڭ-التىن» ا ق تاۋ-كەن اۋدانىنداعى وپىرىلعان جەردە ىزدەستىرۋ جۇمىستارىن جۇرگىزۋ كەزىندەگى سوڭعى قۇتقارۋشى - جۇرگىزۋشى ايىپ تىلەۋبەرگەنوۆ بولىپ شىقتى.

ال ايدوس شايمەردەن 19-شىلدەدە تابىلدى. تابىلعان جەتون مەن كيىمىنەن قۇتقارۋشىلار ۆزۆودى كومانديرىنىڭ 36 جاستاعى ورىنباسارى ايدوس شايمەردەننىڭ دەنەسى تابىلعانى انىقتالدى.

كىم ۇستالدى؟

اۆتوبۋسپەن ەسكى شاحتاعا قۇلاعان ءتورت تاۋ-كەن قۇتقارۋشىسىنىڭ قازا بولۋى تۋرالى ءىس بويىنشا «مايقايىڭالتىن» ا ق قىزمەتكەرلەرى قاماۋعا الىندى.

كۇدىكتىلەر تاۋ-كەن جانە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزعانى ءۇشىن قىلمىستىق ىسكە تارتىلدى. كاسىپورىننىڭ التى قىزمەتكەرى ۇستالىپ، ۋاقىتشا ۇستاۋ يزولياتورىنا قامالدى.

تاعى نە بەلگىلى؟

كەيىن مايقايىڭدا قازا تاپقان قۇتقارۋشى ولەگ تيشكيەۆيچتىڭ تۋىستارىنا وتەماقى ءتورت ەسەگە قىسقاردى.

تالاپ قويۋشىلار ەڭبەك مىندەتتەرىن ورىنداۋ كەزىندە جازاتايىم وقيعا سالدارىنان قايتىس بولعان تيشكيەۆيچتىڭ جاقىن تۋىستارى، ەكىباستۇز قالالىق سوتىنا كىنالى بولىپ تابىلعان «كاسىبي اسكەريلەندىرىلگەن اۆاريالىق-قۇتقارۋ قىزمەتتەرىنىڭ رەسپۋبليكالىق ورتالىق شتابى» ج ش س- نان ءارقايسىسىنا مورالدىق زياننىڭ وتەماقىسى رەتىندە 30000000 تەڭگەدەن جالپى 120000000 تەڭگە سومانى ءوندىرۋدى سۇراعان.

ەكىباستۇز قالالىق سوتىنىڭ 2024-جىلعى 5-قىركۇيەكتەگى شەشىمىمەن تالاپ قويۋ تولىعىمەن قاناعاتتاندىرىلدى.

پاۆلودار وبلىستىق سوتىنىڭ ازاماتتىق ىستەر جونىندەگى سوت القاسىنىڭ 2024-جىلعى 13-قاراشاداعى قاۋلىسىمەن ءبىرىنشى ساتىداعى سوتتىڭ شەشىمى وزگەرتىلىپ، ءارقايسىسىنىڭ پايداسىنا مورالدىق شىعىن كولەمى 7500000 تەڭگەگە دەيىن ازايتىلدى.

بۇل رەتتە سوت القاسى كەلەسىنى ەسكەردى: مورالدىق زياننىڭ وتەماقى مولشەرىن انىقتاۋ كەزىندە ءبىرىنشى ساتىداعى سوت ەڭبەك قىزمەتىمەن بايلانىستى وندىرىستەگى جازاتايىم وقيعا تۋرالى اكتىنى، جۇمىس بەرۋشىنىڭ كىناسىن 100 پايىز انىقتاعان جازاتايىم وقيعانىڭ ءمان-جايىن ارنايى تەرگەپ-تەكسەرۋ اكتىسىن باسشىلىققا الدى.