مايقايىڭدا مەرت بولعان ايدوس شايمەردەننىڭ ايەلى ۇندەۋ جاسادى

استانا. قازاقپاارت - «ماي قايىڭ التىندا» مەرت بولعان ايدوس شايمەردەننىڭ ايەلى نۇرسۇلۋ شايمەردەن قازاقستاندىقتارعا ۇندەۋ جاسادى، - دەپ حابارلايدى Massaget.kz.

«198 كۇن بويى مەن سونىڭ باسىندا ءجۇردىم. كۇنىنە كەمىندە ەكى رەت شۇڭقىردىڭ باسىنا كەلىپ ءجۇردىم. سول كەزدە سىزدەردىڭ ومىرلەرىڭىزگە قاۋىپ تونگەنىن ءوز كوزىممەن كوردىم. ەكسكاۆاتورلار ءبىر جاققا قيسايىپ جاتقانىن دا كوردىم. ءبىراق سوعان قاراماستان ازاماتتاردى الىپ شىققاندارىڭىز ءۇشىن راقمەت ايتامىن.

ءبىرىنشى ايدا ونى ءتىرى دەپ ويلادىق. دەمالىپ جاتقان شىعار دەپ ءۇمىت ۇيالاتتىق. ءبىراق وكىنىشكە قاراي، ولاي بولماي شىقتى»، - دەيدى مارقۇمنىڭ ايەلى.

ەسكە سالايىق، 25-شىلدەدە مايقايىڭدا شاحتاعا قۇلاپ، مەرت بولعان ءتورتىنشى قۇتقارۋشىنىڭ دەنەسى تابىلعان بولاتىن. ول «مايقايىڭ- التىن» ا ق تاۋ-كەن اۋدانىنداعى وپىرىلعان جەردە ىزدەستىرۋ جۇمىستارىن جۇرگىزۋ كەزىندەگى سوڭعى قۇتقارۋشى - جۇرگىزۋشى ايىپ تىلەۋبەرگەنوۆ بولىپ شىقتى.

ال ايدوس شايمەردەن 19-شىلدەدە تابىلدى. تابىلعان جەتون مەن كيىمىنەن قۇتقارۋشىلار ۆزۆودى كومانديرىنىڭ 36 جاستاعى ورىنباسارى ايدوس شايمەردەننىڭ دەنەسى ەكەنىن انىقتالدى.