ماگومەد اديەۆ رەسەيدىڭ «احمات» كومانداسىنىڭ باس باپكەرى قىزمەتىنە تاعايىندالدى
استانا. KAZINFORM - بەلگىلى مامان ماگومەد اديەۆ رەسەيدىڭ «احمات» كومانداسىنىڭ باس باپكەرى قىزمەتىنە تاعايىندالدى. بۇل قىزمەتىن ول قازاقستان ۇلتتىق قۇراماسىنىڭ باس باپكەرى قىزمەتىمەن قوسا اتقارا بەرەدى.
بۇل جونىندە قازاقستان فۋتبول فەدەراتسياسى ءمالىم ەتتى.
ماگومەد اديەۆ 2022 -جىلدان بەرى قازاقستان قۇراماسىنىڭ باس باپكەرى قىزمەتىن اتقارىپ كەلەدى. سودان بەرى 22 ويىننىڭ 11 ىندە جەڭىسكە جەتىپ، 1 ىندە تەڭ ويناسا، قالعانىندا قارسىلاستارعا ەسە جىبەردى.
ەكى جىلدان بەرى ەلىمىزدىڭ ۇلتتىق قۇراماسى كوپتەگەن حالىقارالىق جارىستاردا جوعارى ناتيجەسىمەن كوزگە ءتۇسىپ كەلەدى.
2022/2023 -جىلداردا ۇلتتار ليگاسىندا C ديۆيزيونىندا ءوز توبىندا ءبىرىنشى ورىن الىپ، بيىل B ديۆيزيونىندا سىنعا تۇسۋگە مۇمكىندىك الدى.
ەندى قىركۇيەك- قاراشا ايلارىندا B ديۆيزيونىندا ءۇشىنشى وپتا اۆستريا، سلوۆەنيا جانە نورۆەگيامەن شەبەرلىك بايقاسادى.
سونداي-اق، 2024 -جىلعى ەۋروپا چەمپيوناتى ىرىكتەۋ ساتىسىندا ەل قۇراماسى 18 ۇپاي جيناپ، ءوز توبىندا ءۇشىنشى ورىن الدى. بۇل - قۇراما تاريحىنداعى ۇزدىك كورسەتكىش.
ماگومەد اديەۆ 1994-2009 -جىلدار ارالىعىندا رەسەيلىك جانە قازاقستاندىق كلۋبتاردىڭ نامىسىن قورعادى. 2010 -جىلدان بەرى باپكەرلىككە بەت بۇرىپ، رەەيلىك جانە ەلىمىزدىڭ «شاحتەر» كلۋبىندا جەتەكشىلىك ەتتى.
اۆتور
ءادىلجان ۇمبەت
