ماۋسىم ايىندا رۋبل- تەڭگە ساۋداسى ەكى ەسە ارتقان
استانا. KAZINFORM - قازاقستان قور بيرجاسىنىڭ باسقارما ءتورايىمى الينا الدامبەرگەن وتكەن ايدا رۋبل-تەڭگە ساۋداسى قاتتى ارتقانىن ايتتى.
«مەنىڭ قولىمدا رۋبل-تەڭگە ساۋداسىنىڭ مالىمەتتەرى بار. ماۋسىم ايىندا رۋبل-تەڭگە ساۋداسى مامىر ايىمەن سالىستىرعاندا 2 ەسە وسكەنىن كورىپ وتىرمىز. العاشقى بەس ايدا رۋبل-تەڭگە جۇبىنىڭ ورتاشا ايلىق ساۋدا كولەمى 191 ميلليارد تەڭگە بولسا، ماۋسىم ايىندا 366 ميلليارد تەڭگەگە جەتتى. ياعني، 1,92 ەسە ءوسىم بار»، - دەدى ول باسپا ءسوز ءماسليحاتىندا.
قور بيرجاسىنىڭ باسشىسى بۇل قانشالىقتى ۇزاققا سوزىلاتىنىن سۇرانىس بولاتىنىن ۋاقىت كورسەتەدى دەپ وتىر.
«بۇل جەردە كەيدە ماۋسىمدىق سۇرانىس بولىپ جاتاتىنىن اتاپ ءوتۋ كەرەك. سوندىقتان بۇل جولعى سۇرانىس قانشا ۋاقىتقا باراتىنىن قاراۋ كەرەك. مىسالى، اقپان ايىندا دا سۇرانىس كولەمى ۇلكەن بولعان - 292 ميلليارد تەڭگە. جىلدىق ورتاشا كولەم دە 2 ەسەدەي وسكەن»، - دەدى الينا الدامبەرگەن.
