ماسك پەن سۋكەربەرگ تەررورلىق كونتەنتتى ءوشىرىپ وتىرادى
ەۋروپالىق وداق تەحنولوگيا الىپتارىن لاڭكەستىك كونتەنتكە قارسى شارا قابىلداۋعا شاقىردى.

ولاي بولماعان جاعدايدا كۇردەلى زاڭ سانكتسيالارى سالىنۋى مۇمكىن. بۇل ماسەلە حاماس يزرايلگە شابۋىل جاساعاننان كەيىن كوتەرىلىپ وتىر، دەپ حابارلايدى Kazinform.
مالىمەتكە سۇيەنسەك، مۇنداي تالاپ قاقتىعىسقا قاتىستى فەيك جاڭالىق پەن ۆيدەولار كوپتەپ تاراپ كەتكەننەن كەيىن ەنگىزىلگەن.
ەۋرووداق ەسكەرتۋى ءىرى تەحنولوگيا كومپانيالارىنىڭ باسشىلارىنا، ونىڭ ىشىندە يلون ماسك پەن مارك تسۋكەربەرگكە باعىتتالدى. ولار ەندى ەۋروپالىق زاڭنامانىڭ ورىندالۋىن قاتاڭ باقىلاۋى كەرەك.
BBCءدىڭ جازۋىنشا، ماسك پەن سۋكەربەرگكە جازعان حاتىندا ىشكى نارىق ماسەلەلەرى بويىنشا ەۋرووداق كوميسسارى تەرري برەتون ولارعا ءوز پلاتفورمالارىنداعى زيان كونتەنتتى بۇعاتتاپ، ول تۋرالى ەۋرووداققا حابار بەرۋگە 24 ساعاتى بار ەكەنىن ءمالىم ەتتى.
بۇل ەرەجەلەر ورىندالماسا كومپانيانىڭ جىلدىق تابىسىنىڭ التى پروتسەنتىنە دەيىنگى مولشەردە ايىپپۇل سالىنۋى مۇمكىن.
ە و ناقتى قانداي كونتەنتتى جالعان اقپارات دەپ سانايتىنىن ناقتىلامادى.
سول ارالىقتا، يلون ماسكقا تيەسىلى x الەۋمەتتىك جەلىسى (بۇرىنعى Twitter) حاماس- پەن بايلانىستى جۇزدەگەن پاراقشا وشىرىلگەنىن حابارلادى. سونىمەن قاتار مىڭداعان پوست جويىلعان. بۇل تۋرالى ە و ىشكى نارىق بويىنشا ەۋروكوميسسارى تەرري برەتونعا جولداعان حاتىندا جازىلعان، دەپ ءمالىم ەتتىBBC.