ماسك: ميىندا Neuralink چيپى بار ناۋقاس كومپيۋتەر تىشقانىنىڭ كۋرسورىن جىلجىتۋدى ۇيرەندى
يلون ماسكتىڭ Neuralink كومپانياسى قاڭتار ايىندا العاشقى ناۋقاستىڭ ميىنا چيپ ەنگىزدى. ونىڭ ايتۋىنشا، ناۋقاس قازىر كومپيۋتەر تىشقانىنىڭ كۋرسورىن وي كۇشىمەن جىلجىتا الادى، ەندى باتىرماسىن باسۋدى ۇيرەنىپ جاتىر، دەپ جازادى Euronews.
ا ق ش- تىڭ ازىق-تۇلىك جانە ءدارى-دارمەك باسقارماسى (FDA) وتكەن جىلدىڭ مامىر ايىندا كومپانيانىڭ العاشقى سىناقتارىن ماقۇلدادى.
پروتسەدۋرا ميدىڭ قوزعالىستى باسقاراتىن بولىگىنە 64 يكەمدى ءجىپ ەنگىزۋدى قامتىدى. بۇل ءجىپ ءتارىزدى ەلەكترودتار وتە جۇقا، سوندىقتان ولاردى روبوت ورنالاستىردى. ولار يمپلانتقا مي سيگنالدارىن جازۋعا جانە قولدانباعا جىبەرۋگە مۇمكىندىك بەرەدى، سودان كەيىن ادامنىڭ ويىن وقۋ ارقىلى قوزعالىسىن مەڭگەرەدى.
قاڭتاردا يلون ماسك Neuralink ءتىڭ العاشقى ءونىمى Telepathy دەپ اتالاتىنىن جانە «تەلەفوندى، كومپيۋتەردى ولار ارقىلى كەز- كەلگەن قۇرىلعىنى جاي عانا ويلاۋ ارقىلى باسقارۋعا» مۇمكىندىك بەرەتىنىن جانە «ونىڭ العاشقى پايدالانۋشىلارى مۇمكىندىگى شەكتەۋلى جاندار بولاتىنىن» مالىمدەدى.
