مارستان ۇلكەن سۋ قورى تابىلدى
InSight عارىش اپپاراتى جيناعان سەيسميكالىق مالىمەتتەر مارستىڭ بەتكى قاباتىنان 11,5-20 كيلومەتر تەرەڭدىگكتە سۇيىق سۋ رەزەرۆۋارىنىڭ بار ەكەنىن كورسەتەدى.
مارستىڭ بەتكى قاباتىنان 15 شاقىرىم تەرەڭدىكتە الىپ سۇيىق سۋ قورى تابىلدى، دەپ جازدى PNAS عىلىمي جۋرنالى.
InSight عارىش اپپاراتى جيناعان سەيسميكالىق مالىمەتتەر مارستىڭ بەتكى قاباتىنان 11,5-20 كيلومەتر تەرەڭدىگكتە سۇيىق سۋ رەزەرۆۋارىنىڭ بار ەكەنىن كورسەتەدى.
بۇل سۋ ماگمالىق جىنىستاردىڭ قالىڭ قاباتى ارقىلى جارىقتاردان اعىپ، ەگەر بىركەلكى تارالسا، ەجەلگى مۇحيتتاردى تولتىرۋعا جەتەرلىك كولەمدە بولار ەدى. بۇل جاڭالىق مارستىڭ گەولوگيالىق تاريحىن جانە ونىڭ ءومىر سۇرۋگە جارامدىلىعىن تۇسىنۋىمىزگە ايتارلىقتاي اسەر ەتۋى مۇمكىن.
3 ميلليارد جىلدان استام ۋاقىت بۇرىن مارس بەتىندە ۇلكەن كولدەر، مۇحيتتار مەن وزەندەر بولعان. جاڭا زەرتتەۋلەر پلانەتادا بۇرىنعىدان دا كوپ وزەندەر بولعانىن انىقتادى. الايدا اتموسفەراسى مەن ماگنيت ءورىسى بىرتىندەپ جوعالعان كەزدە، مارس بەتىندە سۇيىق سۋدى ساقتاۋ مۇمكىندىگىنەن ايىرىلدى، - دەپ جازىلعان زەرتتەۋدە.
