ماركو رۋبيونىڭ ۇشاعى تەحنيكالىق اقاۋعا بايلانىستى ا ق ش- قا ورالدى
استانا. KAZINFORM – ا ق ش مەملەكەتتىك حاتشىسى ماركو رۋبيو بۇگىن باستالاتىن قاۋىپسىزدىك جونىندەگى كونفەرەنسياعا قاتىسۋ ءۇشىن ميۋنحەنگە ۇشۋى ءتيىس بولعان، دەپ حابارلايدى BBC.
ۇشاق بورتىندا بولعان CBS News ءتىلشىسى مارگارەت برەنناننىڭ حابارلاۋىنشا، ۇشىپ شىققالى شامامەن 90 مينۋت بولعاندا كابينانىڭ الدىڭعى اينەگىندە جارىقشاق پايدا بولىپ، ۇشقىشتار تومەن بيىكتىكتە ەندريۋس اۋە كۇشتەرى بازاسىنا قايتىپ ورالۋعا ءماجبۇر بولدى.
مەملەكەتتىك دەپارتامەنتتىڭ باسپا ءسوز حاتشىسى تەممي بريۋس رۋبيو گەرمانياعا، ودان كەيىن تاياۋ شىعىسقا باسقا ۇشاقپەن ۇشاتىنىن حابارلادى.
- ميۋنحەن كونفەرەنسياسىندا رۋبيو ا ق ش ۆيتسە-پرەزيدەنتى دجەي دي ۆەنسپەن بىرگە ۋكراينا پرەزيدەنتى ۆلاديمير زەلەنسكيمەن كەزدەسۋى ءتيىس ەدى. الايدا رۋبيونىڭ ميۋنحەندەگى بۇل كەزدەسۋگە ۇلگەرۋ-ۇلگەرمەۋى بەلگىسىز، - دەپ جازدى CBS News.
ەسكە سالا كەتسەك، قاۋىپسىزدىك جونىندەگى ميۋنحەن كونفەرەنسياسى (Munich Security Conference ،MSC) گەرمانيانىڭ ميۋنحەن قالاسىندا 14-16-اقپان ارالىعىندا وتەدى.
