مامىر ايىندا اۋا رايى قانداي بولادى

 استانا. KAZINFORM - قازگيدرومەت سينوپتيكتەرى مامىر ايىنا ارنالعان ءبىر ايلىق اۋا رايى بولجامىن جاريالادى.

مامىر ايىندا جازعى اتموسفەرالىق پروتسەستەرگە كوشۋ جۇزەگە اسادى. كوپجىلدىق مالىمەتتەرگە سايكەس وڭتۇستىك ايماقتاردا ۇسىك - ايدىڭ ءبىرىنشى جارتىسىندا، ال سولتۇستىكتە - ايدىڭ سوڭىنا قاراي اياقتالادى.

ءبىراق كەي جىلدارى ەڭ سوڭعى ۇسىك ايدىڭ سوڭىندا، ءتىپتى ماۋسىم ايىندا دا بولۋى مۇمكىن.

اۋا رايىنىڭ تۇراقسىز سيپاتى جاڭبىر مەن نايزاعاي، ەكپىندى جەل اي بويى سوعادى، ال بۇرشاق جاۋ ايدىڭ كەي كۇندەرى جاۋۋى مۇمكىن.

ايدىڭ كوپ بولىگىندە جوعارى تەمپەراتۋرا كورسەتكىشى باسىم بولادى:

رەسپۋبليكانىڭ سولتۇستىك جارتىسىندا كۇندىز اۋا رايى +25+35 گرادۋسقا دەيىن ىسۋى مۇمكىن

وڭتۇستىك جارتىسىندا +30+40 گرادۋسقا دەيىن.

سۋىق تولقىندار اسەرىنەن اۋا تەمپەراتۋراسى تومەندەيدى:

سولتۇستىك، شىعىس جانە ورتالىق ايماقتاردا، سونداي- اق ەلدىڭ وڭتۇستىك- شىعىسىنداعى تاۋلى ايماقتاردا تۇندە -5+5 گرادۋسقا دەيىن، كۇندىز +10+15 گرادۋسقا دەيىن؛

ەلىمىزدىڭ باتىسىندا جانە وڭتۇستىك جارتىسىندا تۇندە +5+15 گرادۋسقا دەيىن، كۇندىز +16+26 گرادۋسقا دەيىن.

مامىر ايىندا رەسپۋبليكانىڭ باسىم بولىگىندە ورتاشا ايلىق اۋا تەمپەراتۋراسى نورمادان 1-2 گرادۋستان جوعارى، باتىس ايماقتاردا نورما شاماسىندا بولادى.

مامىر ايىندا جاۋىن-شاشىن مولشەرى رەسپۋبليكانىڭ باسىم بولىگىندە نورما شاماسىندا، ەلدىڭ قيىر باتىسىندا نورمادان جوعارى، قازاقستاننىڭ وڭتۇستىك، ورتالىق وڭىرلەرىندە نورمادان از بولادى دەپ بولجانىپ وتىر.