مامىر ايىنان بەرى 17 مىڭ ادام تۇرعىن ءۇي كەزەگىنەن شىعارىلعان

استانا. قازاقپارات - ونەركاسىپ جانە قۇرىلىس مينيسترلىگىنىڭ مالىمەتى بويىنشا، تۇرعىن ءۇي كەزەگىندە 650 مىڭ ادام تۇر.

ونەركاسىپ مينيسترلىگى 2024 -جىلدىڭ مامىر ايىنان باستاپ شامامەن 17 مىڭ قازاقستاندىقتىڭ تۇرعىن ءۇي الۋ كەزەگىنەن شىعارىلعانىن حابارلادى.

كەزەكتەن شىعارىلۋ سەبەبى

«650 مىڭ قازاقستاندىق تۇرعىن ءۇي كەزەگىندە تۇر، ونىڭ ىشىندە 255140 ى - الەۋمەتتىك وسال توپتار. تۇرعىن ءۇي كەزەگىندە تۇرعان ادامداردىڭ تىزىمدەرىن جىل سايىنعى تەكسەرۋ قازاقستاندا شامامەن 300 مىڭ ادامنىڭ تىزىمنەن شىعارىلۋى مۇمكىن ەكەنىن كورسەتتى. ياعني، تالاپتارعا ساي كەلمەيتىن، تۇرعىن ءۇيى بار نەمەسە زاڭ بويىنشا تۇرعىن ۇيگە ۇمىتكەر بولۋعا قۇقىعى جوق ادامدار تۋرالى ايتىلىپ وتىر»، - دەلىنگەن حابارلامادا.

تالاپقا ساي كەلمەيتىندەر

كەزەكتە تۇرعاندار اراسىندا سايكەسسىزدىكتەر كەلەسى نەگىزدەر بويىنشا انىقتالعان:

كەزەكتە تۇرعان ادامنىڭ جانە ونىڭ وتباسى مۇشەلەرىنىڭ تۇرعىن ءۇي جىلجىمايتىن مۇلكىنىڭ بولۋى؛
كەزەكتە تۇرعان ادامنىڭ وتباسى مۇشەلەرى تۋرالى مالىمەتتەردىڭ سايكەس كەلمەۋى؛
الەۋمەتتىك مارتەبەنىڭ سايكەس كەلمەۋى (تولىق ەمەس وتباسى، 1 جانە 2-توپتاعى مۇگەدەكتىگى بار ادامدار جانە ت. ب. )؛
مەملەكەتتىك قىزمەتشى مارتەبەسىنىڭ سايكەس كەلمەۋى (ekyzmet ا ج-دە بولماۋى).