ماماندار جاس وسپىرىمدەر اراسىنداعى ەرتە جۇكتىلىك ماسەلەسىن كوتەردى

ЭКО, беременность, жүктілік
Фото: Canva

استانا. KAZINFORM - جىنىستىق جانە رەپرودۋكتيۆتى دەنساۋلىق جونىندەگى قازاقستاندىق قاۋىمداستىق و ك ق الاڭىندا وتكەن باسپا ءسوز كونفەرەنتسياسىندا ەرتە جۇكتىلىك ماسەلەسىن كوتەردى.

وسى باعىتتا جۇرگىزىلىپ جاتقان جۇمىستار تۋرالى قاۋىمداستىقتىڭ اتقارۋشى ديرەكتورى گالينا گرەبەننيكوۆا ايتىپ بەردى. ونىڭ سوزىنشە، قازىرگى ۋاقىتتا جاس وسپىرىمدەردىڭ جۇكتىلىگى بويىنشا جاعداي جاقسارعان، الايدا ماسەلە ءالى دە بار.

«وسى باعىتتا قانداي جۇمىس اتقارىلىپ جاتىر؟. ارينە، مەديتسينا قىزمەتكەرلەرىن وقىتۋ ارقىلى قىزمەت كورسەتۋ ساپاسى ارتپاق. ءبىز دەنساۋلىق ساقتاۋ مينيسترلىگىمەن وتە تىعىز جۇمىس ىستەيمىز، كوپ جىلدار بويى بۇۇ قورىنىڭ حالىق سالاسىنداعى سەرىكتەسىمىز. بۇل بىزگە زاماناۋي حالىقارالىق ۇسىنىستاردى، وتباسىن جوسپارلاۋ، الدىن الا دايىندىق، جۇكتى ايەلدەرگە كومەك كورسەتۋ تاسىلدەرىن ەنگىزۋگە كومەكتەسەدى. بۇل كاسىبي مامانداردىڭ، مۇعالىمدەردىڭ قاتىسۋىنسىز قيىن بولاتىنى بەلگىلى. سوندىقتان ءۇشىنشى جىل قاتارىنان پەداگوگتەر، دەنساۋلىق ساقتاۋ سالاسىنىڭ وكىلدەرىنە ارنالعان پىكىرتالاس الاڭى بولىپ تابىلاتىن «جاس وسپىرىمدەر مەن جاستاردىڭ رەپرودۋكتيۆتى دەنساۋلىعى» كونفەرەنسياسىن ۇيىمداستىرىپ كەلەمىز»، - دەدى سپيكەر.

حالىقارالىق ساراپشىلار جىنىستىق دەبيۋتتىڭ جاسى وزگەرگەنىن (قازىر 16,5 جاستا)، ءبىراق جاس وسپىرىمدەردىڭ رەپرودۋكتيۆتى مىنەز-قۇلقى وزگەرمەگەنىن اتاپ ءوتتى.

«44 پايىزدان استامىنىڭ جىنىستىق قاتىناستا بىرنەشە سەرىكتەسى بار. بۇل قاۋىپتى. ءبىزدىڭ مىندەتىمىز - حاباردار ەتۋ. قازىر جاس وسپىرىمدەر وتە قيىن جاعدايدا، ويتكەنى ينتەرنەت بار، وندا اقپارات كوپ، ولار كەيدە بۇرىس، بۇرمالانىپ بەرىلەدى. ءبىزدىڭ مىندەتىمىز - جاستارعا كومەكتەسۋ»، - دەدى گالينا گرەبەننيكوۆا.

ەسكە سالا كەتەيىك، بۇعان دەيىن تۇركىستان وبلىسىندا 182 جاس ءوسپىرىم جۇكتى بولىپ قالعانىن جازعان بولاتىنبىز. ال، س ق و- دا بىلتىر 46 جاس ءوسپىرىم قىز بوسانسا، 14 ءى جاساندى تۇسىك جاساتقان.

سوڭعى جاڭالىقتار