ماماندار ءومىردى ۇزارتاتىن ءونىم تۋرالى ايتتى

بۇرشاق تۇقىمداس ونىمدەردى تۇراقتى تۇتىنۋ جۇرەك-قان تامىرلارى اۋرۋلارىنىڭ، ينسۋلت پەن قاتەرلى ىسىكتىڭ كوپتەگەن ءتۇرىنىڭ قاۋپىن ازايتادى، - دەپ حابارلايدى huffpost.

2023 -جىلى Advances in Nutrition جۋرنالىندا جاريالانعان مەتااناليزگە سايكەس، بۇرشاق ءونىمىن كوپ جەگەن ادامداردىڭ ءولىم قاۋپى تومەن بولعان. كۇنىنە 50 گرامنان (جارتى كەسەگە دە جەتپەيدى) ارتىق بۇرشاق جەگەندەردە ءولىم قاۋپى بۇرشاق جەمەيتىندەرگە قاراعاندا 6 پايىزعا تومەن ەكەنى انىقتالعان.

Mayo Clinic Diet جەتەكشى ديەتولوگى تارا م. ءشميدتتىڭ ايتۋىنشا، بۇرشاقتىڭ بارلىق ءتۇرى - وسىمدىك اقۋىزىنىڭ، تالشىقتىڭ جانە باسقا دا پايدالى زاتتاردىڭ كوزى. قاي ءتۇرىن تاڭداساڭىز دا، اعزاعا پايداسى بار. ءبىراق كەيبىر تۇرلەرىنىڭ ۇزاق ءومىر سۇرۋگە ىقپال ەتەتىن ەرەكشە قاسيەتتەرى بار.

1. سويا بۇرشاعى
سويادا اقۋىز مولشەرى كوپ. عىلىمي زەرتتەۋلەر سويا قان قۇرامىنداعى قانتتى تومەندەتىپ، 2- ءتيپتى ديابەت، جۇرەك-قان تامىرلارى اۋرۋلارى مەن دەمەنتسيانىڭ الدىن الاتىنىن كورسەتكەن. بۇل - ءومىر ۇزاقتىعىنا تىكەلەي اسەر ەتەدى. سونداي-اق، سوياداعى اقۋىز جاس ۇلعايعان سايىن ازاياتىن بۇلشىقەت ماسساسىن ساقتاۋعا كومەكتەسەدى.

2. ەدامامە
ەدامامە - سويا وسىمدىگىنىڭ جاس كەزىندە جينالاتىن ءتۇرى. ديەتولوگ نيشا مەلۆانيدىڭ ايتۋىنشا، ونى ادامدار كوبىنە ۇزاق ءومىر ءسۇرۋ ءۇشىن تۇتىنادى. ەدامامە وسىمدىك اقۋىزىنا، تالشىققا، فولي قىشقىلىنا جانە سۇيەك پەن جۇرەك دەنساۋلىعىنا پايدالى ك ۆيتامينىنە باي.

3. اس بۇرشاعى (فاسول)
فاسول - تالشىققا ەڭ باي بۇرشاق ءتۇرى. عالىمدار مۇنى ۇزاق ومىرمەن تىكەلەي بايلانىستىرادى. 31 مىڭنان اسا ادام قاتىسقرتتەۋدە تالشىققا باي ديەتا جۇرەك- قان تامىرلارى اۋرۋىنان ءولىم ءقاۋپىن ەرلەردە 24- 59 پايىزعا، ايەلدەردە 34- 59 پايىزعا ازايتقانى دالەلدەنگەن.

فاسول جۇرەك پەن اسقازان- ىشەك جولىنىڭ ساۋلىعىن ساقتايدى. قىزىل فاسولدە فوليي قىشقىلى مەن ماگني كوپ - ولار قان قىسىمىن رەتتەۋگە كومەكتەسەدى.

4. قىزىل فاسول
قابىنۋدى ازايتۋدىڭ باستى جولدارىنىڭ ءبىرى - انتيوكسيدانتتارعا باي تاعام جەۋ. ال ەڭ كوپ انتيوكسيدانت قىزىل بۇرشاقتا بار. سونداي-اق، قارا ءتۇستى باسقا بۇرشاقتار - پينتو، اق جانە قارا فاسول دە انتيوكسيدانتقا باي.

5. نۇت (نوقات)
نۇت تا ۇزاق ومىرگە پايدالى. ول تالشىققا، اقۋىزعا جانە ۆ توبى دارۋمەندەرىنە باي. بۇل دارۋمەندەر د ن ق-نى قالپىنا كەلتىرۋگە، ميدىڭ جانە جۇرەكتىڭ ساۋلىعىن ساقتاۋعا قاجەت. سونىمەن قاتار، نۇت ىشەككە پايدالى ءارى سوعان بايلانىستى اۋرۋلاردىڭ قاۋپىن ازايتادى.